Foça

	Foça
distrikto de Turkio • urbo
Foça (Turkio)
Regiono	Egea regiono
Provinco	Provinco İzmir
Geografia situo	38° 40′ N, 26° 46′ O (mapo)38.66666666666726.766666666667Koordinatoj: 38° 40′ N, 26° 46′ O (mapo)
Areo	205 km2
Loĝantaro	28 591 (en 2016)
Poŝtkodo	35680
Telefona kodo	0232
Aŭtokodo	35
Retpaĝaro	www.foca.bel.tr
	v • d • r

Foça estas urbo de Turkio, borde de la Mediteranea Maro. Ĝi apartenas al la provinco İzmir kaj al la Egea regiono. En 2016 ĝi havis 28 591 loĝantojn.

Historio[redakti | redakti fonton]

Antikve ĝi estis helena urbo, Φώκαια (Fōkaja), latine Phocaea, esperante Fokajo, fondita en la 8-a jarcento a.K. de eŭbeanoj. La urbo prosperis kaj fondis siajn koloniojn en la okcidenta Mediteraneo, inter kiuj Marsejlon kaj Nicon.

En 546 a.K. ĝi estis konkerita de la persanoj; multaj el la loĝantoj fuĝis kaj, post pluraj okazaĵoj, fondis Elajon en la suda itala duoninsulo, sed kelkaj restis kaj Fokajo reakiris sendependecon kiam la Persanoj malvenkis kontraŭ Ateno (480 a.K.). La Persanoj konkeris denove la urbon en 412 a.K. kaj regis ĝin ĝis la alveno de Aleksandro la Granda.

La posta historio de la urbo estas la sama kiel tiu de okcidenta Anatolio (imperio de Aleksandro kaj posteuloj, romia konkero, bizanca imperio) ĝis 1264, kiam la urbo estis donita al la Mara Respubliko de Ĝenovo kiel danko pro ĝia helpo al la Bizanca Imperio. Sub la nomo de Foggia (foĝa) la urbo restis sub Ĝenovo ĝis 1455, kiam la Otomanoj kaptis ĝin.