Forchpasejo
|
||||
|---|---|---|---|---|
|
||||
| Alteco | 682 m | |||
| Koordinatoj | 47° 19' N, 8° 39' E | |||
| Lando | Svislando | |||
| Montaro | Antaŭalpoj | |||
| Akvodislimo inter | Greifensee → Glatt kaj Lago de Zuriko → Limato | |||
| Ligas | Zuriko kaj Egg ZH | |||
| Infrastrukturo | Pasejvojo, Tramo, Aŭtoŝosejo | |||
Enhavo |
[redakti] La pasejo
Forch [prononcu: Forĥ] estas montpasejo super la montoĉeno Pfannenstil, kiu ligas la urbon Zuriko kun la komunumoj Maur kaj Egg ZH. Sur la pasejo estiĝis la vilaĝo Forch kun propra preĝejo, poŝtoficejo kaj stacidomo, kiu apartenas al la komunumo Maur.
[redakti] Trafikinfrastrukturo
La pasejo Forch disponas pri bonega trafikinfrasturkturo. Unuflanke pasas tra ĝi jam dum jarcentoj pasejvojo de Zuriko al la Zurika Oberlando. Paralele al la vojo estis malfermita en la jaro 1912 la Forch-Fervojo (germane Forchbahn), tio estas tramo de Zuriko-Stadelhofen al Esslingen (Egg ZH). En la 1970-aj jaroj estis konstruita krome la Forch-Aŭtoŝosejo de Zumikon ĝis la cirklo de Hinwil.
[redakti] Turismo
La Forch estas elirpunkto de multaj belaj migradoj ekzemple sur la kresto de la Pfannenstil aŭ malsupren tra la Abismo de Küsnacht al la Lago de Zuriko. La restoracio sur la pasejo estas rekomendinda manĝejo ĉu antaŭ aŭ post la migrado.
[redakti] Forchmemorejo
Sur montpinteto okcidente de la Forchpasejo troviĝas memorejo pri la soldatoj, kiuj mortis dum la unua mondmilito por defendi Svislandon kontraŭ invado de la germanoj, kaj memorigas ankaŭ precipe al la miloj de viktimoj de la hispana gripo, kiuj mortis dum tiu tempo precipe en la armeservo. La hispana gripo fakte mortigis dum la unua mondmilito duoble pli da homoj ol ĉiuj homaj militagoj kune!
[redakti] Esperanto-balono
La 18-an de decembro 1976 okazis en Guldenen sur la Forchpasejo la inaŭguro de la Esperanto-balono, kies bildo fariĝis la motivo de la Esperanto-poŝtmarko eldonita okaze de la 64-a UK de Esperanto. Kiel baptopatrino de la balono oficis Hanni Liechti. (Fonto: Andreas E. Künzli: Universalaj Lingvoj en Svislando p 207)
[redakti] Eksteraj ligiloj
Retejo de la paseja restoracio Gastejo Krono Forch- Retejo de la komunumo Maur, sur kies teritorio situas la pasejo kaj municipo Forch
