Franca Supra Volto

El Vikipedio, la libera enciklopedio
Saltu al: navigado, serĉo

Franca Supra Volto aŭ pli simple Supra Volto (en franca Haute-Volta [otvoltA]) estis kolonio de la Franca Okcidenta Afriko stablita la 1an de Marto, 1919, el teritorioj kiuj estis parto de la kolonioj de Supra Senegalo kaj Niĝero unuflanke kaj de Eburbordo aliflanke. Tiu kolonio estis nuligita la 5an de septembro, 1932, kaj ties partoj estis administrataj de Eburbordo, Franca Sudano kaj Niĝero.

Post la Dua Mondmilito, nome la 4an de septembro, 1947, la kolonio estis restaŭrita kiel parto de la Franca Unio, kun siaj antaŭaj limoj. La 11an de decembro, 1958, ĝi estis rekonstituita kiel memrega Respubliko de Supra Volto ene de la Franca Komunumo, kaj post du jaroj nome la 5an de aŭgusto, 1960, ĝi akiris kompletan sendependon. La 4an de aŭgusto, 1984, la nomo estis ŝanĝita al Burkina Faso respektive Burkino.

La nomo Supra Volto indikas, ke la lando enhavas la supran parton de la rivero Voltao aŭ Volto. Tiu rivero estas dividita en tri partoj, nome Nigra, Blanka kaj Ruĝa Voltaoj.