Francisco Veuthey
| Francisco Luis Veuthey | ||||
|---|---|---|---|---|
| Dato de naskiĝo | la 9-an de julio 1965 | |||
|
Verkoj kaj aliaj
|
||||
Francisco Luis (aŭ esperantlingve Franĉjo) Veuthey estas grafikisto, ĵurnalisto kaj esperantisto de argentinaj kaj brazilaj radikoj. Li naskiĝis la 9-an de julio 1965, do nun estas 46-jara. Post studo en la Nacia Universitato de la regiono "Litoral"[1] en la argentina urbo Santa Fe de la Vera Cruz, li ekde la fino de la 1980-aj jaroj laboris en la Centra Oficejo de UEA en Roterdamo, unue kiel grafikisto de la Jarlibro de UEA kaj aliaj presaĵoj. En 1992 li transprenis la redakton kaj enpaĝigon de la revuo Kontakto de TEJO: La revuo tre modernigis sian aspekton, kun nova redakta stilo, nova logsimbolo kaj novaj ideoj. La nombro de abonantoj multe kreskis kaj atingis historian rekordon de 2050, antaŭ kiam li en 1998 transdonis la redaktadon al posteulino Sabira Ståhlberg. Daŭre li vivas en Roterdamo.
