Friedrich Wilhelm Ellersiek

Friedrich Ellersiek

Friedrich Wilhelm ELLERSIEK [Elerzik] (naskiĝis la 2-an de junio 1880 en Calvorde; mortis la 23-an de decembro 1959 en Frauenwald/Rennsteig) (ps. Argus; Eko k.a.) estis germana komercisto kaj esperantisto, eldonisto kaj redaktoro.

Vivo

Ellersiek laboris ĉefe kiel Esperanta eldonisto de 1909. Li estis redaktanto de Germana Esperantisto kaj de Esperanto-Praktiko. Li krome estis membro de la Lingva Komitato (LK) kaj de la Akademio de Esperanto.

Kiel ĉefo de vojaĝoficejo Transmondo-Reisedienst Ellersiek praktike uzis Esperanton ankaŭ por aranĝo de ĉiujaraj karavanoj al Universalaj Kongresoj (UK).

Verkoj

• (sub la pseŭdonimo Argus): Pro kio? Originala romano, 1920;
• Multaj originalaj artikoloj kaj tradukaĵoj en siaj gazetoj.
• Babiladoj en la gazeto "Esperanto-Praktiko".

Literaturo

• 1960: Woohlfahrt, Herbert. [Pri la morto de Friedrich Wilhelm Ellersiek]. En: Nuntempa Bulgario 4-a jaro 1960, n-ro 3, p. 27.
• 1960: [S-ro Friedrich Ellersiek, Frauenwald, Germanujo, mortis 1959-12-23, 79-jaraĝa]. En: Esperanto 53-a jaro 1960, n-ro 4, p. 54.
• 1914: Ellersiek, Fr. (1914) [foto]. En: Ondo de Esperanto (RUS) 6-a jaro 1914, n-ro 3 (63), p. 53.

Vidu ankaŭ

• Friedrich Ellersiek G. m. b. H.

Eksteraj ligiloj

• Libroj de kaj pri Friedrich Ellersiek en la Kolekto por Planlingvoj kaj Esperantomuzeo
• Artikoloj de kaj pri Friedrich Ellersiek en Elektronika Bibliografio de Esperantaj Artikoloj (EBEA)