Froukje Jansen

El Vikipedio, la libera enciklopedio
Saltu al: navigado, serĉo
Froukje Jansen (dekstre) kun Vivienne van den Assem

Froukje Catharina Johanna JANSEN (n. la la 5-an de oktobro 1976 (nun 1976-10-05) (37-jara) Hago), estas nederlanda prezentistino, aktorino kaj eks-gimnasto.

Ŝi komencis sian karieron kiel gimnasto, sed decidis iom post la gajno de la nederlanda ĉampioneco ne plu daŭrigi en la sporto. En 2001 ŝi fariĝis kunprezentistino de la junularprogramo 6pack (6paketo), kiu elsendiĝis ĉiutage dum la noktaj horoj de la televidstacioj SBS 6 kaj Veronica.

Post kvar sezonoj ŝi opiniis ke la tempo venis por nova defio kaj ekde tiam ŝi estas aktorino. Ŝi rolis i.a. en la kurtfilmo 'Profs' (profesiuloj), elsendita de NPS. Ŝi ankaŭ ekvojaĝis en 2006 por la verdula televidstacio LLiNK. Ŝi iris al Irano kaj montris antaŭ ĉio la aferojn, kiujn oni ne atendas de tiu lando. Fine de 2006 ŝi prezentis la programon On a mission (misiante) kune kun Art Rooijakkers por Net 5.

Ŝi prezentis la programon LLinke Soep (danĝera supo) por la televidstacio LLiNK. En tiu programo ŝi i.a. vizitis konatajn nederlandanojn por kontroli kiel "verdaj" ili estas. Ekde la nova sezono de 2008 ŝi ankaŭ prezentas la programon 3 op Reis (3 vojaĝante) kune kun Floortje Dessing kaj Sebastiaan Labrie

En 2008 ŝi kandidatiĝis por esti la plej amorveka vegetaranino de Nederlando sed ne elektiĝis.

Ekde la 2-a de junio 2009 Froukje prezentas por la VARA dum unu monato je ĉiu labortago De zomer draait door (La somero turniĝas pluen), somera varianto de la populara programo De wereld draait door (La mondo turniĝas pluen). Ŝi faras tion kun Waldemar Torenstra kaj Art Rooijakkers. Torenstra kaj Rooijakkers alterne aperas, sed Jansen ĉiutage ĉeestas.

Eksteraj ligiloj[redakti | redakti fonton]