Gaiserwald

El Vikipedio, la libera enciklopedio
Saltu al: navigado, serĉo
Gaiserwald
Blazono de Gaiserwald
Blazono de Gaiserwald
Preĝejo de la municipo Abtwil en la komunumo Gaiserwald
Preĝejo de la municipo Abtwil en la komunumo Gaiserwald
Kantono Sankt-Galo
Distrikto Elektodistrikto Sankt-Galo
Koordinatoj  47°26′N 9°20′O  /  47.433°N, 9.333°O / 47.433; 9.333 (Gaiserwald)Koordinatoj: 47°26′N 9°20′O  /  47.433°N, 9.333°O / 47.433; 9.333 (Gaiserwald)
Nombro de enloĝantoj 8049
Areo 12,66 km²
Alteco 850 m super marnivelo
Poŝtkodo 9030
Komunumkodo 3442
Mapo de Gaiserwald
Mapo pri la situo de Gaiserwald en la elektodistrikto Sankt-Galo

Gaiserwald estas komunumo en la elektodistrikto Sankt-Galo, Kantono Sankt-Galo, Svislando. Ĝi havis 8055 loĝantojn je la 31-a de decembro 2006 respektive 8049 je la 31-a de decembro 2011.

Geografio[redakti | redakti fonton]

Gaiserwald situas nororiente de la urbo Sankt-Galo. Ĝi konsistas el la vilaĝoj Abtwil (sur altece de 735 m s.m.), Engelburg (sur alteco de 719 m s.m.) kaj St. Josefen (sur alteco de 621 m s.m.). La nordorientan komunumlimon formas la rivero Sitter. [1]

La teritorio de la komunumo etendiĝas sur areo de 12,66 km², de kiuj 27,8% estas kovritaj de arbaro, 50,9% servas por agrikulturo kaj 19,4% por setlado. [2]

Najbaraj komunumoj[redakti | redakti fonton]

La komunumo Gaiserwald limas en nordo al Waldkirch, en oriento al Wittenbach, en sudo al Sankt-Galo, en sudoriento al Gossau, kaj en oriento en unu punkto al Andwil.

Trafiko[redakti | redakti fonton]

Gaiserwald atingeblas per poŝtaŭtobuso ek de Sankt-Galo en iom pli ol 20 minutoj. La komunumo situas flanke de la gravaj trafikvojoj, sed la svisa aŭtovojo A1 pasas rekte sude de la komunumlimo kaj ĝia alveturejoj Sankt-Galo-Kreuzbleiche kaj Sankt-Galo-Winkeln situas rekte apud la komunumlimo.

Historio[redakti | redakti fonton]

Unua skriba mencio de Abtwil datiĝas el la jaro 1200 kaj en la jaro 1282 estis unuan fojon menciita Petrus de Gaiserwalt, kies nomo poste fariĝis la nomo de la komunumo. La setlado de la regiono okazis ek de la Monaĥejo Sankt-Galo. En la 12-a kaj 13-a jarcentoj jam ekzistis diversaj disaj setlejoj kaj la burgoj Aetschberg kaj Spisegg, dum en la 14-a jarcento estgis konstruitaj la burgoj Altmeldegg kaj Neumeldegg. Ek de 1803 la komunumo apartenas al la tiam fondita Kantono Sankt-Galo, unue al la Distrikto Rorschach, de 1831 ĝis 2002 al la Distrikto Gossau, kaj ek de tiam al la Elektodistrikto Sankt-Galo.[3]

Notoj kaj referencoj[redakti | redakti fonton]

  1. Fonto: Reta mapo 1:20000 de Swisstopo
  2. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
  3. Fonto: Ernst Ziegler: Gaiserwald en Historia Leksikono de Svislando (2006-10-24)

Eksteraj Ligiloj[redakti | redakti fonton]