Galegio
 |
Ĉi tiu artikolo temas pri regiono en Hispanio. Se vi serĉas informojn pri la similnoma historia regiono inter Ukrainio kaj Polio, vidu la paĝon Galicio. |
|
|||||
| Situo | |||||
|---|---|---|---|---|---|
|
|
|||||
| Statistikaj datumoj | |||||
| Ĉefurbo | Santiago de Compostela | ||||
| Oficialaj lingvoj | Hispana kaj Galega | ||||
| Surfaco | 29.574 km2 | ||||
| Loĝantaro (2006) | 2.767.524 loĝ. | ||||
| ISO 3166-2 | GA | ||||
| Politiko | |||||
| Statuto de aŭtonomeco | 28-a de aprilo 1981 | ||||
| Prezidento | Alberto Núñez Feijoo | ||||
| Parlamenta reprezento - Kongreso - Senato |
25 membroj 19 membroj |
||||
| Registaro de Galegio | |||||
Galegio aŭ Galegujo (hispane Galicia [galisja], galege Galiza aŭ Galicia) estas regiono de Hispanio.
La regiono havas proksimume 2.800.000 loĝantojn, kaj situas en la nordokcidenta angulo de la Ibera Duoninsulo.
Ĝi konsistas el la provincoj A Coruña [a korunja], Lugo, Oŭrenso (galege Ourense), kaj Pontevedro (Pontevedra). La ĉefurbo de la regiono estas Santiago de Compostela en la provinco A Coruña. Aliaj grandaj urboj estas Vigo kaj Ferrol.
La loka lingvo estas la galega, kiu estas proksima parenco de la portugala, sed ĉiuj parolas ankaŭ la kunoficialan hispanan.
La regiono ĝuas aŭtonomecon ene de la nuntempa administra organizado de Hispanio.
La galega ekonomio baziĝas en bieneta terkulturo, fiŝkaptado kaj akvokulturo.
Galegoj ege devis migri (kaj ankoraŭ migras) por teni sian vivon. En Hispanio, ili migris al Madrido kaj Eŭska Aŭtonoma Komunumo. Eksterlanden, ili iris ĉefe al Argentino (oni ŝerce nomas Buenos-Ajreson "la kvina galega provinco", kaj, laŭ argentina slango, ĉiuj hispanaj migrintoj estas nomataj "gallego") kaj Kubo (Fidel Castro estas galegido). En la 1950-aj jaroj, oni iris al Eŭropo: Svisio, Germanio kaj Francio (Manu Chao estas galegido). Tre ofte hispanaj enmigrintoj kie ajn en la mondo estas galegoj.
Tabakokontrabando estis tradicia ekonomia rimedo por marbordaj galegoj. En la 1980-aj jaroj, kontrabandistoj kontaktis kolombiajn kartelojn kaj komencis labori pri multe pli profita kokaino. Galegio estas unu el la enirejo por amerikaj drogoj en Eŭropo.
Enhavo |
Geografio [redakti]
En Galegio estas du medioj nome la ĉemara kaj la montara. En la okcidenta marbordo estas specifa reliefo kiu estas unika en la tuta Iberio nome tre malrekta marbordo kun multaj enirejoj kaj neraktaj bordoj, insuletoj ktp., kiu finas (aŭ komencas laŭ vidpunkto) en elfluejo de rivero; tiuj golfetoj faritaj el riverelfluejo nomiĝas rio (en galega aŭ hispana "ria").
Tradicioj [redakti]
Kvankam la galega lingvo estas latinida, galegoj memoras la praloĝantajn keltojn. El ties influo kaj la atlantikaj rilatoj, aperas multaj tradicioj: muziko per galega sakŝalmo (gaita), kredo pri sorĉistoj (meigas) kaj tropoj de fantomoj (Santa Compaña). Ankaŭ en Galegio estas Finistero (Fisterra, "Ter-fino") parenca al bretona Finistère. Santiago de Compostela estas supozate la tomburbo de sankta Jakobo la Granda kaj la fino de Jakoba Vojo.
Famaj galegoj [redakti]
- Camilo José Cela, Nobelpremiito pri literaturo.
- Francisco Franco, hispana regnestro.
- Pablo Iglesias, fondinto de la hispana Socialista Partio
- Alfonso Rodríguez Castelao, desegnisto, verkisto kaj politikisto
- Rosalía de Castro, poetino kaj novelistino en la lingvoj galega kaj kastilia.
- Emilia Pardo Bazán, hispana romanisto, gazetisto kaj eseisto.
- Manuel Fraga Iribarne, politikisto.
- José Calvo Sotelo, politikisto kaj juristo.
- Carlos Núñez, muzikisto.
- Antonio Palacios, arkitekto.
Eksteraj ligiloj [redakti]
http://www.xunta.es- http://www.xunta.es/xeral/cifras/galego/gestatuto.htm
- http://www.bng-galiza.org
- http://www.vieiros.com
|
|
 |
|---|---|
|
|
|
.svg){kind=small}
|
||||||
