Garou

El Vikipedio, la libera enciklopedio
Saltu al: navigado, serĉo
Garou (Pierre Garand)
en 2006
en 2006
Bazaj informoj
Naskiĝo la 26-an de junio 1972 (nun 1972-06-26) (41-jara)
Flago-de-Kanado.svg Sherbrooke, Kebekio, Kanado
Ĝenroj popmuziko
Instrumentoj voĉo, piano, gitaro
Aktivaj jaroj 1997 ĝis nun
v  d  r
Information icon.svg

Garou - naskiĝis la 26-an de junio 1972(nun 1972-06-26) en Sherbrooke, Kebekio, do nun estas 41-jara - estas kanada popmuzika kantisto. En la malferma ceremonio de la Vintra Olimpiko 2010 li prezentis la kanton Un peu plus haut, un peu plus loin ("iom pli alte, iom pli fore").

Biografio[redakti | redakti fonton]

En aĝo de kvin jaroj Pierre Garand lernis ludi pianon. En la mezlernejo li estis gitaristo en lernejana muzikgrupo. Komence de la 1990-aj jaroj li membriĝis en la kanada armeo kiel trumpetisto. Poste li havis diversajn profesiajn okupojn kaj krome vespere muzikis en restoracioj kaj trinkejoj. Meze de la 1990-aj jaroj li fondis la muzikgrupon The Untouchables ("la netuŝeblaj"). En 1997 li invitiĝis en Parizo aktori kaj kanti en muzikalo "Notre-Dame de Paris" laŭ samnoma romano de Victor Hugo - la rolon de Quasimodo, korpe deformita sonorilisto de la katedralo. La kanzona albumo de la muzikalo dum 17 semajnoj estis la plej multe vendata muzika albumo en Francio, kaj la prezentoj eksterordinare popularaj.

En 2000 aperis lia unua soloa albumo Seul ("sole") kaj jaron poste la dua albumo Seul ... avec vous ("sole ... kun vi"). Duope li kantis inter alie tre sukcese kun Céline Dion kaj kun Michel Sardou. En 2008 aperis lia unua anglalingva albumo.

Ekde 2007 li vivas kun la franca kantistino kaj aktorino Lorie.

Diskografio[redakti | redakti fonton]

  • 2000 Seul
  • 2001 Seul ...Avec Vous
  • 2003 Reviens
  • 2006 Garou
  • 2008 Piece of my soul
  • 2009 Gentleman Cambrioleur

Eksteraj ligiloj[redakti | redakti fonton]