Gerald Hüther
| Gerald Hüther | ||
|---|---|---|
| ||
| Persona informo | ||
| Gerald Hüther | ||
| Naskiĝo | 1-an de januaro 1951 (73-jaraĝa) en Emleben | |
| Lingvoj | germana vd | |
| Ŝtataneco | Germanio • Germana Demokratia Respubliko vd | |
| Alma mater | Universitato de Lepsiko vd | |
| Profesio | ||
| Okupo | universitata instruisto • verkisto de nefikcio • nervobiologo vd | |
| Laborkampo | Nervobiologio vd | |
| Aktiva en | Göttingen • Mannheim vd | |
| En TTT | Oficiala retejo vd | |
| vd | Fonto: Vikidatumoj | |
Gerald Hüther (naskiĝis la 15-an de februaro 1951 en Emleben, Turingio) estas germana biologo, neŭrosciencisto kaj aŭtoris multnombrajn fake kaj populare sciencajn germanlingvajn verkojn pri neŭrosciencaj temoj.
Vivo[redakti | redakti fonton]
Gerald Hüther studis kaj doktoriĝis pri biologio en la universitato de Lepsiko[1]. Fine de la 1970-aj jaroj li fuĝis tra pluraj ŝtatoj de la orienta bloko al Jugoslavio kaj de tie al okcidenta Germanio, kie li ricevis laborpostenon en la universitato de Göttingen[2][3]. Inter la jaroj 1979 kaj 1989 li esploris cerboevoluajn perturbojn en la tiuurba instituto Max Planck pri eksperimenta medicino. En 1988 li habilitiĝis en la fako medicino de la universitato de Göttingen, akiris la gradon Dr. med. habil. kaj docentan postenon pri neŭrobiologio.
Inter la jaroj 1990 kaj 1995 li havis stipendion kadre de la programo Werner Heisenberg de la organizaĵo Deutsche Forschungsgemeinschaft ("germana esplora societo") kaj en tiuj jaroj konstruis la departementon pri neŭrobiologia fundamenta esploro en la kliniko pri psikiatrio de la universitata klinikaro de Göttingen[4], kiun li poste gvidis ĝis la jaro 2006.[5]. Ekde tiam profesoro Hüther estas scienca kunlaboranto de la kliniko[6] kaj tie gvidas centran oficejon pri neŭrobiologia preventa esploro[7].
Literaturo[redakti | redakti fonton]
- Gerald Hüther. En: Kürschners Deutscher Gelehrten-Kalender 2003. 19-a eldono. Volumo I: A – J. Bio-bibliographisches Verzeichnis deutschsprachiger Wissenschaftler der Gegenwart. Eldonejo K. G. Saur, Munkeno 2003, ISBN 3-598-23607-7, p. 1422.
Eksteraj ligiloj[redakti | redakti fonton]
Informoj pri Gerald Hüther en katalogo de la Germana Nacia Biblioteko (germane)
Notoj[redakti | redakti fonton]
- ↑ ligilo al lia doktoriga tezo en la universitato de Lepsiko
- ↑ Der Neurobiologe Gerald Hüther im Gespräch mit Michael Langer, germanlingva intervjuo en la radiokanalo Deutschlandfunk: "Zwischentöne" ("intersonoj"), programo de la 25-a de januaro 2009
- ↑ germanlignva intervjuo en la radiokanalo Bayern2: programo "Eins zu Eins. Der Talk" en junio 2008. Arkivita el la originalo je 2010-04-25. Alirita 2012-03-29.
- ↑ esplora paĝaro de la kliniko pri psikiatrio en la universitata klinikaro de Göttingen
- ↑ konciza biografio pri li en retejo de la kliniko pri psikiatrio en la universitata klinikaro de Göttingen
- ↑ kunlaborantaro de la kliniko pri psikiatrio
- ↑ priskribo de aktualaj agadoj en lia persona retejo. Arkivita el la originalo je 2011-11-11. Alirita 2012-03-29.