Gerhard von Kügelgen

El Vikipedio, la libera enciklopedio
Saltu al: navigado, serĉo

Franz Gerhard VON KÜGELGEN (n. la 26-an de februaro 1772 - m. la 27-an de marto 1820 en Dresdeno) estis germana romantikista pentristo, kiu famiĝis pro siaj portretoj kaj historiaj pentraĵoj. Li cetere estis profesoro en la Artakademio de Dresdeno kaj membriĝis en Prusa kaj Rusa Artakademioj. Lia ĝemelfrato, Karl von Kügelgen, ankaŭ estis rimarkinda pentristo.

Dum lia kariero, Gerhard von Kügelgen ekzemple pentris portretojn de Caspar David Friedrich, Johann Wolfgang von Goethe, Johann Gottfried Herder, August von Kotzebue, Friedrich Schiller, Johann Gottfried Seume, Ludwig Uhland, Zacharias Werner, Christoph Martin Wieland kaj de aliaj verkistoj, artistoj kaj kleruloj de sia tempo. Li estis mortigita de ŝtelisto en 1820 survoje al Dresdeno el sia apartamento de Loschwitz.

Kelkaj verkoj[redakti | redakti fonton]