Germana ŝafhundo

El Vikipedio, la libera enciklopedio
Saltu al: navigado, serĉo
Germana ŝafhundo

La Germana ŝafhundo (germane Deutscher Schäferhund) estas hundraso oficiala laŭ la Internacia Federacio de Hundobredado (france Fédération Cynologique Internationale, mallonge FCI). Kiel aliaj ŝafhundoj, ankaŭ ili origine servis por gardado de ŝafaroj helpe de homa paŝtisto. La postkola alto, do la alteco inter la grundo kaj la postkola dorsoparto ĉe staranta besto, estas 60 ĝis 65 cm ĉe viraj bestoj kaj 55 ĝis 60 cm ĉe virinaj. La pezo de plenkreska germana ŝafhundo estas kutime 30 ĝis 40 kg ĉe viraj bestoj kaj 22 ĝis 32 kg ĉe virinaj.

Nomo[redakti | redakti fonton]

Laŭ la hundrasa nomo en aliaj lingvoj, unuavice la origina germana vortumo, la esperantlingva ekvivalento devus fakte esti "germana ŝafista hundo" aŭ "germana paŝtista hundo", sed la pli mallonga vortumo "ŝafhundo" jam enradikiĝis inter alie laŭ PIV.