Germana Golfo

El Vikipedio, la libera enciklopedio
Saltu al: navigado, serĉo
Satelita bildo de Germana Golfo; Jutlando dekstre (oriente)
La riverbuŝo de Elbo markas la sudorientan angulon de Germana Golfo. La insulo estas Trischen.

Germana Golfo (angle: German Bight, germane: Deutsche Bucht, dane: Tyske Bugt, nederlande: Duitse Bocht, frise: Dútske bocht) estas la sudorienta golfo de Norda Maro. Germanan Golfon limas: sude Nederlando kaj Germanujo, oriente Germanujo kaj Danujo (la duoninsulo Jutlando), norde kaj okcidente Dogger-benko. En Germana Golfo troviĝas la Orientfrisaj, Okcidentfrisaj, Nordfrisaj kaj danaj vadmaraj insuloj kaj krome Vadmaro. Ĉi lasta estas proksimume dek ĝis dek du kilometrojn larĝa[1]. La menciitaj frisaj insuloj kaj apudaj bordaj regionoj estas kolektive konataj kiel Frisujo. La suda parto de Germana Golfo estas konata ankaŭ kiel Helgolanda Golfo. Inter 1949 kaj 1956 la porŝipira veterprognozo de la brita radiostacio BBC uzis "Heligoland" kiel nomon de la areo nun nomata "German Bight".

Notoj kaj referencoj[redakti | redakti fonton]

  1. C. Michael Hogan (2011) Wadden Sea. eds. P.Saundry & C.Cleveland. Encyclopedia of Earth. National Council for Science and the Environment. Washington DC