Germania reunuiĝo

Disdivido de Germanio inter okupantaj trupoj de la venkintaj ŝtatoj en 1945. La okcidentaj tri iĝis FRG, la orienta – GDR

Germania reunuiĝo (Deutsche Wiedervereinigung) efektiviĝis la 3-an de oktobro 1990, kiam la teritorio de Germana Demokratia Respubliko aliĝis al Federacia Respubliko Germanio. Post la unuaj liberaj voĉdonoj de GDR je la 18-a de marto 1990, traktado inter GDR kaj FRG kulminis en la Unuiĝa Traktato, dum el traktado inter GDR, FRG kaj la kvar okupantaj pontencoj rezultis la "Du-Plus-Kvar-Traktato", kiu donis plenan sendependecon al reunuiĝinta germania ŝtato. La reunuiĝinta Germanio restis membro de la Eŭropa Komunumo (poste Eŭropa Unio) kaj NATO.

La vorto "reunuiĝo" estas uzata por kontrasti kun la unua unuiĝo de Germanio en 1871.

Vidu ankaŭ jenon:

• Kulturŝoko
• Historio de Germanio

Eksteraj ligiloj

  http://service.spiegel.de/cache/international/spiegel/0,1518,373639,00.html

  http://www.dw-world.de/dw/article/0,1564,1687204,00.html

  http://www.germany-info.org/relaunch/info/publications/infocus/15yrs_Reunification

  http://www.germanculture.com.ua/library/facts/bl_reunification_aftermath.htm