Gigi Ravelli
El Vikipedio
Gigi RAVELLI [ĝiĝi raveli] (Laren NH, la 28-an de junio 1982 ) estas nederlanda aktorino kaj prezentistino.
Post baletinstruado kaj studado pri ekonomio Gigi trapasis en 2003 kurson pri komunikado. En la sud-afrika Kaburbo ŝi trapasis kurson pri Aktorado por studentoj kaj post tio en Amsterdamo pri teatroinstruado por progresintoj ĉe la Crea Theater.
De septembro 2005 ĝis inklusive marto 2007 Gigi aperis en la telefonludoj de NET 5 kaj SBS 6. Ŝi ankaŭ dum mallonga tempo faris radioprogramojn por la radiostacio Caz!.
Ekde la 17-a de aprilo 2007 ŝi ludas la rolon de Lorena Gonzalez en la sapserio de RTL 4 Bonaj tempoj, malbonaj tempoj. Lorena en la serio estas la filino de Rosa, la mastrumistino de Ludo Sanders.
