Glaspalast (Munkeno)
La Glaspalast (esperante "Vitropalaco") estis ekspoziciejo el vitro kaj fero konstruita en Munkeno (Germanio) laŭ la modelo de la Crystal Palace de Londono. Ĝi estis inaŭgurita okaze de la Erste Allgemeine Deutsche Industrieausstellung (Unua Ĝenerala Germana Industria Ekspozicio) la 15-an de julio 1854.
La konstruaĵo estis detruita de incendio la 6-an de junio 1931, samkiel multaj aliaj vitropalacoj. La fajro difektigis pli ol mil pentraĵojn kaj skulptaĵojn, kaj detruis pli ol 110 artaĵojn de la frua 19-a jarcento, inkluzive de pentraĵoj fare de Caspar David Friedrich, Moritz von Schwind, Karl Blechen kaj Philipp Otto Runge. Koordinatoj: 48° 08′ 32″ N 11° 33′ 53″ O / 48.14222 °N, 11.56472 °O (mapo)