Glotalo
| Lokoj de artikulacio |
| Labialo |
| Bilabialo |
| Labial-velaro |
| Labial-alveolaro |
| Labial-dentalo |
| Koronalo |
| Lango-labialo |
| Interdentalo |
| Dentalo |
| Alveolaro |
| Apikalo |
| Laminalo |
| Postalveolaro |
| Alveolo-palatalo |
| Retroflekso |
| Dorsalo |
| Palatalo |
| Labial-palatalo |
| Velaro |
| Uvularo |
| Uvular-epiglotalo |
| Radikalo |
| Faringalo |
| Epigloto-faringalo |
| Epiglotalo |
| Glotalo |
| Ĉi tiu paĝo entenas fonetikan informon en la IFA, kiu povas ne ĝuste montriĝi per iuj retumiloj. |
| [Redaktu] |
Glotaloj, (aŭ glotaj konsonantoj, aŭ pleonasme glotalaj konsonantoj) estas konsonantoj artikulaciataj per la gloto.
Multaj fonetikistoj konsideras ilin, aŭ almenaŭ la tiel-nomatajn frikativojn, kiel transiraj statoj de la gloto sen ia loko de artikulacio kian havas aliaj konsonantoj; fakte, iuj entute ne konsideras ilin kiel konsonantojn. Tamen, almenaŭ la glota halto kondutas kiel tipa konsonanto en lingvoj kia Tsou ("Tsou" en Tajvano).
Glotaj konsonantoj en la Internacia Fonetika Alfabeto:
| IFA | Priskribo | Ekzemplo | |||
|---|---|---|---|---|---|
| Lingvo | Ortografio | IFA | Signifo | ||
| /ʔ/ | senvoĉa glota halto | Haŭaja | ‘okina | [/ʔo.ˈki.na/] | ‘okina[1] |
| /ɦ/ | spire voĉa glota "frikativo" | Ĉeĥa | Praha | [/pra.ɦa/] | Prago |
| /h/ | senvoĉa glota "frikativo" | Angla | hat | [/hæt/] | ĉapelo |
La "frikativoj" ne estas veraj frikativoj. Temas pri tradicia uzo de la vorto. Ili anstataŭe prezentas transirajn statojn de la gloto (fonado) sen specifa loko de artikulacio. /[h]/ estas sevoĉa transiro; /[ɦ]/ estas spirvoĉa transiro, kaj povus transkribiĝi kiel /[h̤]/.
La glota halto troviĝas en multaj lingvoj. Ofte ĉiujn vokalajn komenciĝojn antaŭas glota halto; ekzemple, en la germana. En la hajvaja la glotan halton signas unuopa malferma citilo <‘>. Iuj alfabetoj uzas diakritajn signojn por la glota halto, kia la hamzo <ء> en la Araba alfabeto; en multaj lingvoj de Mezameriko, la Latina litero <h> estas uzata por la glota halto.
Pro tio ke la gloto laŭnecese estas fermita por la glota halto, ĝi ne povas esti voĉa.
