Gorsachius

El Vikipedio, la libera enciklopedio
Saltu al: navigado, serĉo
Vikipedio:Kiel legi la taksonomionKiel legi la taksonomion
Gorsachius
Gorsachius melanolophus
Biologia klasado
Regno: Animaloj Animalia
Filumo: Ĥorduloj Chordata
Klaso: Birdoj Aves
Ordo: Pelikanoformaj Pelecaniformes
Familio: Ardeedoj Ardeidae
Subfamilio: Ardeenoj
Genro: Gorsachius
( Bonaparte, 1855)
Aliaj Vikimediaj projektoj
v  d  r
Information icon.svg

Gorsachius estas genro de malnovmondaj noktardeoj tipe troviĝantaj ĉe akvo en arbaraj regionoj. Tiuj estas mezgrandaj ardeoj kiuj estas migrantaj en plej malvarmaj partoj de siaj teritorioj, sed aliloke loĝantaj birdoj. Ili estas malplej konataj, plej strikte noktulaj, plej malgrandaj kaj ĝenerale plej raraj noktardeoj.

Tri el kvar specioj troviĝas en Orienta, Suda kaj Sudorienta Azio, dum la lasta specio, nome la Blankadorsa noktardeo, troviĝas en subsahara Afriko. La Japana kaj la Tigra noktardeoj similas unu al la alia, havas relative mallongajn bekojn kaj estas ĝenerale brunaj kun malhela strio el la gorĝo al la supra ventro. La pli grandaj Blankorela noktardeo kaj Blankadorsa noktardeo estas pli malhelaj, kun distingaj blankaj markoj vizaĝe kaj en kolo ĉe la unua, kaj kun tute nigra kapo en la dua.

Ties kutimaro, ĉefe ĉe la Blankorela noktardeo, estas relative malmulte konata kompare kun tiu de aliaj noktardeoj, sed ili nestumas solaj aŭ en malgrandaj grupoj, kaj oni registris ovarojn de 2-5 ovoj. Dum ili estas ĝenerale noktuloj kaj krepuskuloj, ili estis registritaj manĝante dumtage dum nuba vetero. Ili estas kaŝemaj, kaj oni scias, ke ili manĝas krabojn, krustulojn, fiŝojn, insektojn, ranojn kaj aliajn malgrandajn animalojn.

Taksonomio[redakti | redakti fonton]

Tiuj noktardeoj estis iam lokitaj en la genron Nycticorax, sed nune ĉiuj ĉefaj fakuloj agnoskas ilin kiel separataj. Aldone al la specioj listitaj sube, la Ruĝecbruna aŭ Bonina noktardeo estis lokita en la genron Gorsachius, sed nune ĉiuj ĉefaj fakuloj lokigas ĝin en Nycticorax. La kvar noktardeoj de tiu ĉi genro estas monotipaj.

Referencoj[redakti | redakti fonton]