Grafeo

La artikolo estas parto de serio pri grafeoteorio.

Plej gravaj terminoj grafeo arbo subgrafeo ciklo kliko grado de vertico grado de grafeo Elektitaj klasoj de grafeoj plena grafeo plena dukolora grafeo kohera grafeo arbo grafeo dudividebla Fenda grafeo regula grafeo grafeo de Euler grafeo de Hamilton grafeo senrelifa pli... Grafeaj algoritmoj A* Bellman-Ford Dijkstry Fleury Floyd-Warshall Johnson Kruskal Prim traserĉado de grafeo – en larĝeco – en profundo plej proksima najbaro Problemoj prezentataj kiel grafeaj problemo de vojaĝisto problemo de ĉina leteristo problemo de marŝrutigado problemo de kunigado de geedzoj Aliaj kodo de Gray diagramo de Hasse kodo de Prüfer Reprezentado de grafeo Glosaro de grafeoteorio

Ĉi tiu artikolo temas pri kunigitaj verticoj. Por informoj pri grafika prezento de funkcio, vidu la artikolon grafikaĵo.

Nedirektita grafeo kun 6 verticoj kaj 7 lateroj

En matematiko kaj komputiko, grafeo estas (neformale) aro de objektoj nomataj kiel verticoj kunigitaj de ligoj nomataj kiel eĝoj aŭ lateroj. Kutime, grafeo estas prezentita kiel aro de punktoj (verticoj) ligitaj de linioj (la eĝoj). Depende de la apliko iuj eĝoj povas esti direktitaj.

Grafeo estas baza objekto en grafeteorio.

Difinoj

Difinoj de grafeo en grafeteorio varias en la literaturo. Jen estas unu el la konvencioj.

Nedirektita grafeo

Dosiero:Undirected.png

Nedirektita grafeo aŭ grafeo G estas ordigita duopo G := (V, E):

• V estas aro de verticoj,
• E estas aro de neorditaj paroj de verticoj, difinantaj la eĝojn aŭ liniojn.
• La verticoj apartenantaj al eĝo estas nomataj finpunktoj, aŭ finaj verticoj de la eĝo.

V (kaj de ĉi tie E) estas kutime estas finiaj aroj, kaj multaj el la konataj rezultoj estas ne veraj (aŭ estas iom malsamaj) por malfinia grafeoj ĉar multaj el la argumentoj mankas en la malfinia okazo.

Orientita grafeo

Orientita grafeo aŭ G estas ordigita duopo G:=(V, A) kun

• V, aro de verticoj,
• A, aro de ordigitaj duopoj de verticoj, nomataj direktitaj eĝoj, arkoj, aŭ sagoj. Eĝo e = (x, y) estas konsiderata kiel direktita de x al y; y estas nomata la kapo kaj x estas nomata la vosto de la eĝo.

Miksita grafeo

Miksita grafeo G estas ordita triopo G := (V,E,A) kie V, E kaj A estas difinitaj kiel pli supre.

Ecoj de grafeoj

Du eĝoj de grafeo) estas nomataj najbaraj, se ili havas komunan verticon. Simile, du verticoj estas nomataj najbaraj se ili havas komunan eĝon, do ili estas kunigitaj per eĝo. Vertico kaj eĝo, kiu ligas ĝin al alia vertico, estas nomataj incidaj.

Vidu ankaŭ

• Hipergrafeo
• Kahelanta
• Glosaro de grafeteorio
• Listo de grafeteoriaj temoj
• Grafeo (datumstrukturo)
• Grafea desegnaĵo
• Duala grafeo
• Dudirekta grafeo