Grekaj eŭro-moneroj

€

La eŭro (EUR aŭ €) estas la komuna monunuo por 17 el la 27 landoj de la Eŭropa Unio, inkluzive de Grekio. La moneroj kaj monbiletoj ekuziĝis je la 1-a de januaro 2002, sed la presa (stampa) jaro foje montras sin tiel frue kiel 1999, kiam la monunuo oficiale ekestis kaj oni ekproduktis la monerojn. La grekajn eŭro-monerojn produktigas la centra Banko de Grekio.

Ĉiuj moneroj havas flankon komunan, kiu montras la valuton de la monero, kaj ĉiu lando, kiu partoprenas la eŭron, havas proprajn desegnaĵojn sur la alia flanko de la moneroj. Ĉi tiuj varias, ekde simpla montro de la monarĥo (ekzemple Belgio) ĝis tute malsama desegnaĵo ĉe ĉiu monero (ekzemple Italio). Tamen, ĉiuj moneroj iel montras 12 stelojn ankaŭ sur tiu flanko.

Bildoj de la naciaj flankoj de la grekaj eŭro-moneroj [redakti]

Eŭro-moneroj
Eŭrozono
Aŭstrio Belgio Estonio Finnlando Francio Germanio Grekio Hispanio Irlando Italio Kipro Luksemburgio Malto Nederlando Portugalio Slovakio Slovenio
Landoj ekster EU kun propraj eŭro-moneroj
Monako San-Marino Vatikanurbo
Ontaj membroj de la Eŭrozono
Bulgario Ĉeĥio Hungario Latvio Litovio Pollando Rumanio Svedio

Ĉiu greka eŭro-monero havas sian propran desegnaĵon, kiun desegnis Georgios Stamatopulos. La nacia flanko de la grekaj moneroj, nature, sed unike inter la aliaj naciaj moneroj, montras la valoron de la monero per grekaj literoj. La eŭro-cendo nomiĝas lepto (greke λεπτό [lepto], plurale λεπτά [lepta]).

**Naciaj flankoj**
0,01 €	0,02 €	0,05 €

Atena triremilaro de la 5-a jarcento a.K.	Korveto (aŭ dromon) de la frua 19-a jarcento.	Nuntempa naftoŝipo.
0,10 €	0,20 €	0,50 €

Rigas Velestinlis-Fereos greka poeto 1757—1798	Joanis Kapodistrias greka ŝtatisto 1776—1831	Eleftherios Venizelos greka politikisto 1864—1936
1,00 €	2,00 €	2,00 € memorigaĵo

4-draĥma monero de Ateno el la 5-a jarcento a.K. bildigante strigon	Forrabo de Eŭropa fare de Zeŭso en formo de taŭro	Memorigaĵo pro la 28-aj Olimpiaj ludoj en Ateno, 2004