Grizkapa milvo
 |
||||||||||||||
|---|---|---|---|---|---|---|---|---|---|---|---|---|---|---|
 Grizkapa milvo
|
||||||||||||||
| Biologia klasado | ||||||||||||||
|
||||||||||||||
|
|
||||||||||||||
| Leptodon cayanensis (Latham, 1790) |
||||||||||||||
| Konserva statuso | ||||||||||||||
La Grizkapa milvo aŭ laŭ la latina scienca nomo Kajena milvo, Leptodon cayanensis, estas rabobirdo de la familio de Akcipitredoj, kiu inkludas ankaŭ multajn aliajn tagajn rabobirdojn kiaj milvoj, agloj kaj cirkuoj. Ili loĝas en malfermaj arbaroj kaj marĉarbaroj. Ĝi kunhavas saman genron Leptodon kun la tre rara Blankakola milvo. Ĝi reproduktiĝas el orienta Meksiko kaj Trinidado suden al Peruo, Bolivio, Brazilo kaj norda Argentino.
Enhavo |
[redakti] Aspekto
La Grizkapa milvo estas 46–53 cm longa kaj pezas 410-605 g. Plenkreskulo havas grizan kapon (kio nomigas la specion), nigrajn suprajn partojn, blankajn subajn partojn, kaj nigran voston kun du aŭ tri blankaj bendoj. La beko estas blueca kaj la kruroj grizaj. La flugmaniero estas intenca glitado flap-flap.
Nematuruloj havas du kolormorfojn; la hela fazo estas simila al plenkreskulo, sed havas blankajn kapon kaj kolon, kun nigraj krono kaj okulstrio, nigra beko kaj flavaj kruroj. La malhela fazo havas nigrecajn kapon, kolon kaj suprajn partojn, kaj malhelstriecajn sablokolorajn subajn partojn.
[redakti] Kutimoj
La nesto estas farata el bastoneteroj kovrataj el herberoj kaj estas konstruata alte en arbo. La ino demetas 1 aŭ 2 blankajn ovojn, kiuj estas purpurecaj je unu pinto kaj makulecbrunaj.
La Grizkapa milvo manĝas ĉefe reptiliojn, sed ankaŭ ranojn kaj grandajn insektojn. Ĝi kutime sidas sur malferma alta ripozejo el kiu ĝi gvatas predon. La alvoko estas miaŭa kiŭ.
[redakti] Subspecioj
Oni konas du subspeciojn de Leptodon cayanensis:[1]
- Leptodon cayanensis cayanensis - de sudorienta Meksiko al okcidento de Ekvadoro, Gujano kaj Amazonio; Trinidado.
- Leptodon cayanensis monachus - el centro de Brazilo al nordo de Argentino kaj Paragvajo.
[redakti] Referencoj
- ↑ Clements, J. F. 2007. The Clements Checklist of Birds of the World, 6th Edition. Cornell University Press. Elŝutebla el Laboratorio Cornell de Ornitologio
- BirdLife International (2004). Leptodon cayanensis. 2006 Ruĝa listo de minacataj specioj de IUCN. IUCN 2006. Elŝutita je 11a Majo 2006. Kriterioj kial tiu specio estas Malplej Zorgiga.
- ffrench, Richard (1991). A Guide to the Birds of Trinidad and Tobago, 2nd edition, Comstock Publishing.
- Hilty, Steven L (2003). Birds of Venezuela. London: Christopher Helm.
- A guide to the birds of Costa Rica de Stiles kaj Skutch ISBN 0-8014-9600-4
|
||||||||||||||||||
 |
Rilataj artikoloj troviĝas en Portalo pri Birdoj |
