Gudrun Pausewang

El Vikipedio, la libera enciklopedio
Saltu al: navigado, serĉo
Gudrun Pausewang

Gudrun PAUSEWANG [gudrun PAŬsevang], origine: Gudrun WILCKE (naskiĝis la 3-an de marto, 1928) estas germana verkistino.

Ŝi naskiĝis en Wichstadtl (nuntempe: Mladkov en Bohemio). Ŝia patro pereis dum la Dua mondmilito kaj kun la resto de la familio ŝi post la milito devis forlasi sian hejmregionon. En Wiesbaden, Hesio ŝi trovis novan hejmon.

Post la abiturienta ekzameno en la jaro 1948 ŝi fariĝis instruistino. Ŝi multe vojaĝis (ĉefe al Suda Ameriko kaj Azio) kaj laboris kiel instruistino en Ĉilio, Venezuelo kaj Kolombio.

La verkaro de Gudrun Pausewang konsistas ĉefe el romanoj kaj rakontoj por plenkreskuloj, junuloj kaj infanoj. Ĉefaj temoj estas la kultura/socia vivo en Suda Ameriko, la okazaĵoj en Germanio post la Dua mondmilito kaj la zorgoj pri la estonto de la homaro.

Listo de verkoj[redakti | redakti fonton]

  • Rio Amargo (romano, 1959)
  • Der Weg nach Tongay (rakonto, 1965)
  • Plaza Fortuna (romano, 1966)
  • Bolivianische Hochzeit (romano, 1968)
  • Guadalupe (romano, 1970)
  • Hinterm Haus der Wassermann (porinfana verko, 1972)
  • Aufstieg und Untergang der Insel Delfina (romano, 1973)
  • Karneval und Karfreitag (romano, 1976)
  • Kunibert und Killewamba (porinfana verko, 1976)
  • Die Not der Familie Caldera (porinfana verko, 1977)
  • Auf einem langen Weg (porinfana verko, 1978)
  • Der Streik der Dienstmädchen (porinfana verko, 1979)
  • Rosinkawiese (1980)
  • Ich habe Hunger, ich habe Durst (porinfana verko, 1981)
  • Die letzten Kinder von Schewenborn (rakonto, 1983)
  • Kinderbesuch (romano, 1984)
  • Pepe Amado (romano, 1986)
  • Die Wolke (romano, 1987)
  • Ich gebe nicht auf (rakontoj, poemoj, preĝoj, 1987)
  • Der Großvater im Bollerwagen (porinfana verko, 1988)
  • Fern von der Rosinkawiese (1989)
  • Reise im August (porjunalara verko, 1992)
  • Der Schlund (romano, 1993)
  • Die Kinder in den Bäumen (porinfana verko, 1994)
  • Der Glücksbringer (romano, 1995)
  • Die Verräterin (porjunulara verko, 1995)
  • Hörst du den Fluss, Elin? (porjunulara verko, 1998)

En Esperanto aperis[redakti | redakti fonton]

La avo en la ĉareto / Trad. kaj eld.: Nora Caragea. - Frankfurt am Main: Caragea, 1999. - 62 p. : multaj ilustr.
ISBN 3-00-004992-4

La infanoj en la arboj / Esperantigis: Nora Caragea. Ilustr.: Inge STEINEKE. - Maribor: Inter-Kulturo, 1995. - 62 p. : multaj ilustr.
ISBN 961-6075-10-1

Kuniberto kaj Kilevamba / Trad. kaj eld.: Nora Caragea. Bildoj: Friedrich KOHLSAAT]. - 1. eld. - Maribor: Inter-Kulturo, 2001. - 107 p. : ilustr.
ISBN 3-00-008497-5

La lastaj infanoj de Oldrovalo : aŭ ... Ĉu tiel aspektos nia estonteco? : rakonto / Joachim Giessner (trad.). - Paderborn: Esperanto-Centro, 1987. - 77 p.
ISBN 3-922570-44-5

Eksteraj ligiloj[redakti | redakti fonton]