Gujavo

El Vikipedio, la libera enciklopedio
Saltu al: navigado, serĉo
Vikipedio:Kiel legi la taksonomionKiel legi la taksonomion
Gujavo
Gujavo (Psidium guajava)
Biologia klasado
Regno: Plantoj
Divizio: Magnoliofitoj
Klaso: Magnoliopsidoj
Subklaso: Rosidoj
Ordo: Mirtaloj
Familio: Mirtacedoj
Subfamilio: Mirtoidoj
Tribo: Mirteoj
Genro: Psidium
L.

Proksimume 400 specioj (vidu genron Psidium

Aliaj Vikimediaj projektoj
v  d  r
Information icon.svg

Gujavo estas ĝenerala nomo de pluraj specioj de planto de la familio Myrtaceae kaj de la genro Psidio (latine: Psidium), kiuj kreskas nature ekde Meksiko ĝis Sudameriko. Tiu planto disvastiĝis al Afriko kaj ankaŭ al sudorienta Azio pere de la marfluoj. En la genro Psidium estas proksimume 400 specioj de gujavoj, kiujn oni malsamigas ĝenerale je du tipoj: gujavoj kaj arasaoj. Gujavujoj estas arbetoj kaj iliaj fruktoj estas pli grandaj ol la fruktoj de la arasaoj. La arasujoj estas ofte trovitaj kiel arbustoj kaj sia morfologio varias de specio al specio. Krome la fruktoj de la arasujoj varias en koloro (estas troveblaj verdaj, flavaj kaj ruĝaj fruktoj), dum la fruktoj de la gujavujoj estas normale flavaj. La en la mondo plej disvastigita specio de gujavo estas Psidium gujava, kies pulpo povas esti ruĝa, blanka, oranĝa aŭ viola. La gujavoj estis hejmigitaj de la homo kaj pro tio ili havas ĝenerale komercan valoron. Arasaoj estas arbustoj kaj estas ĝenerale naturaj. Iliaj fruktoj estas pli malgrandaj ol tiuj de la gujavoj kaj tipe ne havas komercan valoron, tamen ili tre bongustas. La atlantika arbaro kaj la amazona arbaro gardas centojn da specioj de gujavoj kaj arasaoj, kies fruktoj estas manĝaĵo al pluraj specioj de bestoj.

Referencoj[redakti | redakti fonton]

LORENZI, Harri; et alii. Frutas Brasileiras e exóticas cultivadas. Nova Odessa: Instituto Plantarum, 2006

Specio de Arasao Psidium littorale
Matura Ruĝa gujavo