Ĝermolisto de germanaj esperantistoj

El Vikipedio, la libera enciklopedio
(Alidirektita el Gustav Schattat)
Saltu al: navigado, serĉo

Tiu ĉi artikolo estas listo de ĝermoj pri germanaj esperantistoj. Movu unufrazajn artikolojn de germanaj esperantistoj en tiun ĉi paĝon metante alidirektilon. Se vi volus apartigi en apartan artikolon, apartigu aldonante minimumajn informojn.
Vidu plenan liston: listo de germanaj esperantistoj

Enhavo

A[redakti | redakti fonton]

B[redakti | redakti fonton]

Anneliese Elsa Bepperling[redakti | redakti fonton]

Anneliese (Lisa) Elsa Bepperling (1919 - mortis la 11-an de novembro 1990 en Hamburgo, Germanio, pro rajd-akcidento) estis dum multaj jaroj fakdelegitino de UEA.

Rita Beug[redakti | redakti fonton]

Rita BEUG (naskiĝis en 1916, mortis fine de aŭtuno 1997) estis dumviva membro de UEA, animo de la E-grupo en Würzburg (Germanio) kaj iama vic- kaj turisma fakdelegito de UEA.

W. D. Ekkehard Bink[redakti | redakti fonton]

D-ro W. D. Ekkehard Bink (naskiĝis en 1924 - mortis julie 1992 en Hamburgo) estis UEA-fakdelegito pri matematiko.

Hans J. Borgwardt[redakti | redakti fonton]

Hans Joachim BORGWARDT (naskiĝis la 2-an de marto 1924, mortis en novembro 2003) estis delegito pri humanismo kaj homaj rajtoj (1991-2003) en Stralsund (Germanio).

Marta Boxhammer[redakti | redakti fonton]

Marta Boxhammer [bokshama] (naskiĝis la 14-an de marto 1882, mortis 30-an de novembro 1931) estis pioniro de la laborista Esperanto-movado.

Rudolf Brand[redakti | redakti fonton]

Rudolf BRAND (naskiĝis en 1921. mortis la 6-an de novembro 1992 en Bamberg, Germanio) estis UEA-fakdelegito pri instruado kaj turismo.

En 1966 li estis la ĉeforganizanto de Germana Esperanto-Kongreso en Bamberg.

Gisela Braun[redakti | redakti fonton]

Gisela Braun (mortis 36-jara la 15-an de novembro 1970) estis germana esperantistino kaj fakdelegito en Frankfurto ĉe Majno. Sub tragika cirkonstanco ŝi perdis la vivon surstrate.

Otto Brandt[redakti | redakti fonton]

Otto BRANDT (naskiĝis 1891, mortis komence de junio en 1970) estis germana esperantisto en Krefeld. Li lernis Esperanton 50 jarojn antaŭ la morto kaj estis malnova membro kaj fakdelegito por blinduloj. En 1962 al li estis atribuita la honorbroŝo de GEA.

Martin Burkert[redakti | redakti fonton]

Pri Martin Burkert vidu sub Martin Markarian.

C[redakti | redakti fonton]

Ĉ[redakti | redakti fonton]

D[redakti | redakti fonton]

Wolfram Diestel[redakti | redakti fonton]

Wolfram Diestel (naskiĝis la 16-an de januaro 1969(nun 1969-01-16), do nun 45-jara) estas germana esperantisto kaj informadikisto. Li en la 1990-aj jaroj plurajn jarojn estis engaĝita gvidanto de junulara Esperanto-grupo en Lepsiko kaj de la landa sekcio de Germana Esperanto-Junularo en Saksio. Krome li kunlaboris en la GEJ-komisiono pri internaciaj rilatoj, aparte pri intensa kunlaboro inter Germana kaj Ĉeĥa Esperanto-Junularoj, kaj plurjare gvidis somerajn porjunularajn Esperanto-kursojn en Prago. Li estis tradukinto de la porinfana libro La senĉesa rakonto de Michael Ende, estas kunorganizanto de la Renkontiĝo de Esperantistaj Familioj, kaj teknika aŭtoro de la Reta Vortaro.

E[redakti | redakti fonton]

Otto Eberler[redakti | redakti fonton]

Otto EBERLER (naskiĝis la 9-an de marto 1891 en Altusried) estis germana esperantisto kaj advokato. Li estis komponisto de moderna dancmuziko kaj propagandisto de Esperanto en Germanio kaj eksterlando.

Adolf Ebner[redakti | redakti fonton]

Adolf Ebner en 1906

D-ro Adolf EBNER (naskiĝinta la 17-an de januaro 1875 en Königsberg) estis germana esperantisto kaj kuracisto pri kirurgio kaj ginekologio. Li fariĝis esperantisto en 1897 per okaza legado de verketo de Trompeter pri Esperanto. Li fondis grupon en Königsberg.

Alois Eder[redakti | redakti fonton]

Alois EDER (naskiĝis en 1940) estas aŭstra-germana esperantisto kaj pensiiĝinta religia pedagogo. Li esperantiĝis 14-jara en internulejo de Salzburg, ekde ties fondojaro en 1982 estis estrarano de BAVELO, poste inter la jaroj 2001 kaj 2005 estis estrarano de GEA kaj laŭ la stato de 2012 daŭre estas prezidanto de BAVELO. Li loĝas en Gärtringen.

F[redakti | redakti fonton]

Paul Fast[redakti | redakti fonton]

'Paul FAST estis germana esperantisto kaj instruisto en komerca lernejo. Li naskiĝis la 21-an de septembro 1853 kaj mortis la 28-an de oktobro 1928. En 1907 li estis kunfondinto de Esperanto-grupo de Kenigsbergo en Orienta Prusio (Königsberg i.Pr.). Fast verkis Esperantan gramatikon kun W.B. Mielck, "Die Weltsprache, ein Hilfsmittel für jedermann", Leipzig (Lepsiko) 1912, 181 p.

Bernd Finger[redakti | redakti fonton]

Bernd Finger (naskiĝis la 30-an de aŭgusto 1972(nun 1972-08-30), do nun 42-jara) estas germana esperantisto kaj filologo pri romanidaj lingvoj. Li en la 1990-aj jaroj plurajn jarojn estis estrarano de Germana Esperanto-Junularo pri renkontiĝoj.

Simone Fischer-Sorg[redakti | redakti fonton]

Simone Fischer-Sorg (naskiĝis la 19-an de aŭgusto 1970(nun 1970-08-19), do nun 44-jara, naskiĝis je la nomo Simone Fischer) estas denaska germana esperantistino kaj slavistino. Ŝi en la 1990-aj jaroj plurajn jarojn estis estrarano de Germana Esperanto-Junularo pri renkontiĝoj kaj poste eksteraj rilatoj. Ŝi estas la filino de la esperantisto Horst Fischer, kreskis en Rastatt kaj ekde la fino de la 1990-aj jaroj vivas en Saarbrücken.

Karl Foehr[redakti | redakti fonton]

Karl FOEHR estis germana esperantisto kaj direktoro de komerca kaj industria altlernejo en Köthen (Anhalt). Naskiĝis la 25-an de marto 1860 en Stuttgart (Stutgarto), mortis la 21-an de aprilo 1930 en Freiberg. Esperanto estis lernofako en lia altlernejo. Paroladoj, vizito de Universalaj Kongresoj.

G[redakti | redakti fonton]

Martin Goldberg[redakti | redakti fonton]

Martin Goldberg estis germana esperantisto kaj popolterneja instruisto en Lepsiko (Leipzig). Naskiĝis la 16-an de aŭgusto 1890 en Groß Schönau (hodiaŭ Velký Šenov en Ĉeĥio). Dum pluraj 7 jaroj plenumis valorajn servojn por Tutmonda Asocio de Geinstruistoj Esperantistaj (TAGE) kaj ĉe la eldono de Internacia Pedagogia Revuo.

Konrad Gramelspacher[redakti | redakti fonton]

Konrad Gramelspacher (naskiĝdato ankoraŭ ne notita ĉi-tie) estas germana esperantisto kaj ekonomikisto, loĝanta en Staufen, Baden-Virtembergo. Li ekde la 1980-aj jaroj aktivas en la regiona Esperanto-asocio BAVELO kaj estas engaĝita honorofica kunlaboranto de la sendependa regiona radia projekto Radio Dreyecksland ("triangula lando", aludanta al la limregiono de Germanio, Francio kaj Svislando inter la urboj Frajburgo kaj Bazelo). Kadre de la projekto Rettet die Erinnerung - Sekurigu la rememoron li intervjuis multajn veteranajn esperantistojn de la regiono kaj konservis aparte raportojn pri malfacilaj travivaĵoj en- kaj post-militaj.

Ursula Grattapaglia[redakti | redakti fonton]

Ursula Grattapaglia (naskiĝis en Berlino en 1933) estas german-devena brazila esperantistino, administrantino de fondaĵo Bona Espero en Brazilo kun ŝia edzo Giuseppe. Ŝi estas membro de Rotario kaj Rotaria Amikaro de Esperantistoj.

Hellmut Grebe[redakti | redakti fonton]

Hellmut Grebe (naskiĝdato ankoraŭ ne notita ĉi-tie) estas germana esperantisto. Ekde la 1980-aj jaroj li estas la prezidanto de la Esperanto-grupo de la urbo Bremeno. Ankaŭ lia filino Maren estas esperantistino kaj aparte en la lernejaj jaroj en Bremeno kaj poste la studa tempo de protestantisma religio en Marburgo aktivis en Germana Esperanto-Junularo.

Johannes Grundkötter[redakti | redakti fonton]

Johannes GRUNDKÖTTER (naskiĝis en 1900- mortis la 16-an de marto 1991 en Landau, Germanio.

Walter Gscheidel[redakti | redakti fonton]

Walther GSCHEIDEL (naskiĝis en 1902 - mortis la 29-an de marto 1993 en Crailsheim, Germanio) estis aktiva esperantisto ekde 1928.

Pri siaj malfacilaj travivaĵoj en- kaj post-militaj li estis intervjuata de Konrad Grammelspacher kadre de la projekto Rettet die Erinnerung - Sekurigu la rememoron.

Ĝ[redakti | redakti fonton]

H[redakti | redakti fonton]

Jakob Hechtl[redakti | redakti fonton]

Jakob HECHTL estis germana esperantisto. Li naskiĝis en 1872 kaj mortis la 30-an de aŭgusto 1928 en Munkeno. Jakob Hechtl organizis la 4-an Tutaŭstrian Esperanto-Kongreson en Franzensbad, 1914, kaj iniciatis tie la unuan Esperanto-monumenton. Li kunlaboris je "Esperanto". EdE-H

Fritz Hegemann[redakti | redakti fonton]

D-ro Fritz Hegemann (naskiĝis en 1935 - mortis en 1991 survoje al la UK en Bergeno) estis kuracisto el Fürfeld, Germanio kaj deĵoris kiel UEA-fakdelegito pri motorbiciklado.

Roland H. Hegen[redakti | redakti fonton]

Roland H. HEGEN (naskiĝis en 1930 - mortis en 1994) estis dumviva UEA-membro, fakdelegito pri humanismo en Elmstein (Germanio), prizorginto de Esperanto-Centro Humanismo en Elmstein-Iggelbach.

Paul Heinrich[redakti | redakti fonton]

Paul HEINRICH (naskiĝis en 1880 - mortis la 19-an de junio 1980 tri monatojn antaŭ sia centa datreveno) estis membro de la Esperanto-grupo en Wiesbaden, Germanio,

Reinold Huber[redakti | redakti fonton]

Reinold Huber (naskiĝis en 1937, mortis la 28-an de januaro 2002 en Salzburg-Gnigl, Aŭstrio) estis germana dumviva membro de UEA.

Ĥ[redakti | redakti fonton]

I[redakti | redakti fonton]

Ludwig Istel[redakti | redakti fonton]

Ludwig ISTEL estis germana asekura direktoro kaj esperantisto. Li mortis la 17-an de decembro 1933 en Wiesbaden. De 1908 ĝis la morto li estis delegito de UEA kaj laboris amplekse por Esperanto.

J[redakti | redakti fonton]

Josef Jakob[redakti | redakti fonton]

Josef Jakob estis germana esperantisto en Munkeno. Ĉirkaŭ 1888 li estis volapukisto kaj iĝis esperantisto nur 1919. Jam 1920 li publikis en munkena gazetaro kaj paroladis pri Esperanto al 1500 homoj.

Rudolf Jochmann[redakti | redakti fonton]

Rudolf JOCHMANN (naskiĝis en 1902 - mortis en 1986 en Grafing, Germanio) estis delegito kaj fakdelegito de UEA pri konstruado, lia profesio.

August Junker[redakti | redakti fonton]

August JUNKER estis germana esperantisto kaj komercisto. Li naskiĝis en Kolonjo. Li estis kunfondinto de Revelo kaj prezidanto de la ekzamena komitato de la Germana Esperanto-Instituto. Li aperigis originalajn prozaĵojn en gazetoj.

Ĵ[redakti | redakti fonton]

K[redakti | redakti fonton]

Linde Knöschke[redakti | redakti fonton]

Linde Knöschke (naskiĝis en 1936, mortis la 10-an de decembro 2001) estis multjara estrarano de Esperanto-Asocio de GDR, aganto por la scienc-teknika apliko de la lingvo kaj aŭtoro de sociologiaj studoj.

Josef König[redakti | redakti fonton]

Josef König (1887 - 1978) estis instruisto kaj esperantisto en Stockum (Sundern). Dum sia vivo, li certigis, ke la universala lingvo Esperanto postlasis spurojn en Stockum. Nur danke al li, la militmonumento, unu el la preĝejaj sonoriloj, kaj lia tombo havas surskribojn en Esperanto. Kaj kompreneble la Esperantostrato - en kiu ankaŭ la hejmo de Josef König troviĝas.

Paul Köster[redakti | redakti fonton]

Paul KÖSTER (mortis la 3-an de decembro 1998) dum multaj jaroj prezidis la Esperanto-grupon en Rostock. Paul vojaĝis tra Eŭropo de 1931 ĝis 1933. Pri lia vojaĝo ekzistas lumdisko de la 2-a de decembro 2001, aranĝita de la Ŝverina esperantisto Ralf Kuse.

Karl Kratt[redakti | redakti fonton]

Karl KRATT (naskiĝis la 5-an de aŭgusto 1910, mortis en 2004) estis germana esperantisto en Villingen. Li revivigis la Esperanto-grupon tie post la Dua Mondmilito. Pri siaj malfacilaj travivaĵoj en- kaj post-militaj li estis intervjuata de Konrad Grammelspacher enkadre de la projekto Rettet die Erinnerung - Sekurigu la rememoron. Troviĝas memortabulo pri li sur la domo en la urbocentro, kiun li posedis (Zinsergasse 14'). Ĝi inaŭguriĝis la 17-an de novembro 2007. [1])

Franz Kreutzberg[redakti | redakti fonton]

Franz KREUTZBERG (mortis la 10-an de majo 1959, 65-jara) estis germana esperantisto, industria komercisto, multjara UEA-delegito de Kolonjo.

Fervora esperantisto-propagandisto dum 48 jaroj, li estis fondinto de loka grupo, kies konstanta prezidanto kaj kursestro li estis pli ol 25 jarojn.

Elisabeth Kuhl-Kruse[redakti | redakti fonton]

Elisabeth Kuhl-Kruse (naskiĝis la 9-an de majo 1958(nun 1958-05-09), do nun 56-jara, denaska nomo Elisabeth Kuhl), estas germana esperantistino. Ŝi pasigis siajn lernejajn jarojn en Lohne, Malsupra Saksio, kie ŝi kun la posta edzo Franz Kruse kaj iuj amikoj en tute malurba regiono starigis reton da junularaj esperantistaj kursoj kaj renkontiĝoj ĝis nun antaŭe kaj poste ne ripetitan en Germanio. La loka aktivado daŭriĝis ankaŭ post kiam Elisabeth kaj Franz iris studi en Darmstadt kaj loĝis proksime de la studurbo en Rossdorf (Elisabeth studis socian pedagogion en la urba fakaltlernejo). Dum longa periodo de la 1970-aj kaj 1980-aj jaroj ŝi estis la motoro de la organiza komitato de la Internaciaj Seminarioj, kaj servis kiel estrarano pri renkontiĝoj de GEJ. Post la studaj jaroj la paro retranslokiĝis al norda Germanio, al Bremeno, kaj poste al la apuda loĝloko Lemwerder, kie ili kreskigis filon kaj pli junajn filinajn ĝemelojn.

Eksteraj ligiloj[redakti | redakti fonton]

L[redakti | redakti fonton]

Siegfried Liebeck[redakti | redakti fonton]

Siegfried Liebeck (libek) estis germana d-ro jura, advokato kaj notario. Li naskiĝis la 12-an de februaro 1885 en Konigsbergo, kaj aparte propagandas inter juristoj. Siegfried Liebeck en 1931 verkis Jurista Terminaro Germanan-Esperantlingvan.

M[redakti | redakti fonton]

Willi Machleidt[redakti | redakti fonton]

Willi Machleidt (naskiĝis en 1934; mortis la 15-an de novembro 1999 en Berlino) estis germana esperantisto. En la 1950-aj jaroj li apartenis al la tiam aktiva junulara Esperanto-grupo de Berlino.

Ferdinand Maly[redakti | redakti fonton]

Ferdinand Maly (mali) estis germana esperantisto kaj policadministranto. Li naskiĝis la 1-an de junio 1867 en Leitmeritz (ĉeĥe Litoměřice en Bohemio), kaj estis esperantisto ekde 1903. Ferdinand Maly fondis 11 Esperanto-grupojn kaj gvidis 26 kursojn. Li elektiĝis honora membro de la Esperanto-grupoj en Görlitz kaj Eisleben (Germanio). En 1910 li verkis gramatikon de la internacia lingvo. (EdE-M)

Martin Markarian[redakti | redakti fonton]

Martin Markarian (naskiĝis la 29-an de aŭgusto 1967(nun 1967-08-29), do nun 47-jara, antaŭ sia edziĝo en la 1990-aj jaroj Martin Burkert) estas germana esperantisto, aktoro kaj kuracisto pri infana kaj adoleskula psikiatrio kaj psikoterapio, nun vivanta apud Ĝenevo. Li en la 1990-aj jaroj plurajn jarojn estis membro de la komisiono de Germana Esperanto-Junularo pri renkontiĝoj. Pli konata li tamen estas kiel verkisto de la dulingve japan- kaj esperantlingva porinfana bildlibro La arbo kiu forkuris, kiu ekestis en Japanio dum mondvojaĝo inter la abitura ekzameno kaj la komenciĝo de medicina studado, kaj en 1990 publikiĝis fare de la eldonejo Libroteko Tokio.

Eksteraj ligiloj[redakti | redakti fonton]

Frank Merla[redakti | redakti fonton]

Frank Merla (naskiĝis la 23-an de februaro 1949(nun 1949-02-23), do nun 65-jara, estas germana esperantisto kaj membro de Germana Esperanto-Asocio kaj estis membro de Hamburga Esperanto-Societo.

Merla eklernis Esperanton en 1974. Depost 1976 li aktivis en Germana Esperanto-Junularo kie li estis konata kiel FraLi, en la Germana Esperanto-Asocio (konsiliarano) kaj Hamburga Esperanto-Societo (estro de konsiliantaro, estrarano). Li instruis Esperanton en Hamburga Esperanto-Societo. Inter 1997 kaj 2012 li eldonis kaj flegis la hamburgan retpaĝaron Esperanto-Hamburg: www.esperanto-hamburg.de. Ek de la 31-a de Majo 2009 li eldonas la retejon per.esocom.de - nova nomo: maklerejo.de ek de la 23-a de Majo 2014 - por kunigi la interesiĝojn de esperantistoj. Momente Merla loĝas en Hanstedt_(Nordheide).

Hans Moder[redakti | redakti fonton]

Hans Moder estis germano ĉeĥoslovaka. Li estis longjara sekretario de la Esperanto-unuiĝo „Verda Stelo“ en Prago, kaj estis instruisto pri Esperanto en blindulejo. En Esperanto li verkis aron da humoraj skizoj.

Marieta Moschner[redakti | redakti fonton]

Marieta Moschner (naskiĝis en 1914, mortis la 8-an de oktobro 1999 en Aŭgsburgo) estis germana esperantistino. Ŝi estis regula membro de Germana Esperanto-Asocio, de UEA kaj de Societo Zamenhof, sindona movadano kaj gastiganto.

Walter Mutschler[redakti | redakti fonton]

Walter Mutschler (mortis en marto 1987 en Freudenstadt, Germanio) estis dumviva membro de UEA.

N[redakti | redakti fonton]

O[redakti | redakti fonton]

P[redakti | redakti fonton]

Johanna Pagenstecher[redakti | redakti fonton]

Johanna Pagenstecher (mortis la 1-an de februaro 1959) estis sekretariino de la Esperanto-grupo en Bonn.

Hans-Dieter Platz[redakti | redakti fonton]

Hans-Dieter Platz en la 1970-aj jaroj estis estrarano de Germana Esperanto-Junularo, inter alie respondeca pri organizado de pluraj Internaciaj Seminarioj kaj pri lobiado ĉe la nacia ministerio pri junularo por havi subvenciojn por la partoprenantoj. Ekde la jaro 1979 li organizas la Internaciajn Festivalojn por (en la unuaj jaroj) 25- ĝis 50-jaraj esperantistoj, la "meza generacio", kaj komence de la 1980-aj jaroj sekve de la antaŭaj lobiaj spertoj ankoraŭ reprezentis la asocion GEJ en ties tiutempa tegmenta asocio de plurspecaj junularaj organizaĵoj en Germanio, nomata Arbeitskreis zentraler Jugendverbände. Dum pluraj jaroj li estis unu el la lokaj vinkultivistoj de la loko Sankt Martin (Palatinato) en sudokcidenta Germanio, kaj produktis vinojn kun esperantlingvaj botelaj etikedoj, sed jam ekde la dua duono de la 1980-aj jaroj translokiĝis al Niedenstein iom sudokcidente de la urbo Kaselo.

Josef Pontz[redakti | redakti fonton]

Josef PONTZ (ponc), germano, doktoro jura kaj notario en Jablonec a. N. (germane Gablonz, Ĉeĥoslovakio). Naskiĝis la 5-an de julio 1895 en Haslau (ĉeĥe Hazlov) apud Aŝ. Esperantisto ekde 1909. Aktive kunlaboris en la landa organizo, prezidis la organizaĵon Germana Esperanto-Ligo en Ĉeĥoslovakio (GEL).

Q[redakti | redakti fonton]

R[redakti | redakti fonton]

Hermann Remers[redakti | redakti fonton]

Hermann REMERS, germano, tornisto. Naskiĝis en 1891 en Duseldorfo (Düsseldorf), mortis en la 14-a de oktobro 1928. Aktivulo en la loka laborista grupo. Kunfondinto de la eldon-kooperativo de SAT kaj la kasisto ĝis 1924. Kunlaboris al SAT-gazetoj. EdE-R

Karl-Heinz Renschler[redakti | redakti fonton]

Karl-Heinz RENSCHLER (naskiĝis en 1923 - mortis la 20-an de aŭgusto 1993) estis UEA-fakdelegito pri turismo en Bad Krozingen (Germanio).

Ursula Richter[redakti | redakti fonton]

Ursula Richter (naskiĝis en 1919, mortis la 7-an de majo 2001) estis longe aktiva en la E-grupo Frankfurta, kiu organizis kursojn en sia hejmo.

Johann Riedl[redakti | redakti fonton]

Johann RIEDL (naskiĝis en 1913, mortis en 1999) estis germana esperantisto kaj iama delegito de UEA en Esslingen (Germanio).

Kurt Riedel[redakti | redakti fonton]

Kurt RIEDEL (ridel), naskiĝis la 29-an de oktobro 1891 en Jugelsburg, urboparto de Adorf (Vogtland), estis germana esperantisto, doktoro pri filologio kaj docento ĉe la pedagogia instituto de la Teknika Altlernejo en Dresdeno. Riedel prelegis pri Esperanto en la Pedagogia Instituto kaj estis redaktanto de „Internacia Pedagogia Revuo“ de 1929 ĝis 1933. (EdE-R)

Gerald Roemer[redakti | redakti fonton]

Gerald Roemer (naskiĝdato ankoraŭ ne notita ĉi-tie) estas germana esperantisto. Fine de la 1970-aj kaj komence de la 1980-aj jaroj li estis estrarano de Germana Esperanto-Junularo respondeca pri financoj kaj havigo de ŝtataj subvencioj aparte por la Internacia Seminario. Poste li plurajn jarojn ankaŭ funkciis kiel kasisto de Hamburga Esperanto-Societo. En pluraj IS-oj li estis altestimata preleganto kaj tema konstribuanto. Li daŭre loĝas en Hamburgo kaj estas fakulo pri urboplanado en la urba administradejo.

S[redakti | redakti fonton]

Georg Chr. Sack[redakti | redakti fonton]

Georg Chr. SACK (naskiĝis en 1912 - mortis la 4-an de januaro 1975 en Heidelberg, Germanio) estis altlerneja muzikinstruisto, unu el la plej agemaj komitatanoj de Muzika Esperanto-Ligo kaj sekretario de Muzika Terminara Komisiono.

Gustav Schattat[redakti | redakti fonton]

Gustav SCHATTAT (ŝatat) estis germana esperantisto kaj revizoro. Li naskiĝis la 8-an de aŭgusto 1885 en Königsberg. Verkis: „Esperanto-Führer“, lernolibro, 1926; „Einführung in die deutsche Sprachlehre“ (kursa helplibro kun ideoj por Esperanta teorio), 1927 en Hamburgo.

Hans Schiebl[redakti | redakti fonton]

Hans Schiebl (ŝibl), aŭstro-germano, poŝtdir. en pensio en Wien. Speciale laboras en katolikaj rondoj por E. Longjara kas. de Kat. UE. Wien.

Bodo Schneider[redakti | redakti fonton]

Bodo SCHNEIDER (naskiĝis en 1931 kaj mortis la 24-an de januaro 2000 en Porvoo) estis fakdelegito pri fiziko.

Josef Schneider[redakti | redakti fonton]

Josef SCHNEIDER (ŝnajdr) estis germana esperantisto kaj inĝenieria profesoro ĉe la germana komerca akademio en Karlovy Vary (Karlsbad, Ĉeĥoslovakio). Naskiĝis en la 13-a de majo 1895 en Moravská Ostrava. Esperantisto de 1924. Fondis grupon en Karlovy Vary. Instruis oficiale Esperanton kiel laŭvolan fakon en sia lernejo.

Hermann Schröder[redakti | redakti fonton]

Hermann SCHRÖDER [herman ŝreder] (naskita en 1920; mortinta komence de 1999) estis prezidanto de Budhana Ligo Esperantista kaj redaktoro (1974-79) de ties Budhana Kuriero, iama delegito de UEA pri budhismo, aŭtoro de la libreto Budho kaj la moderna homo (1979).

Steffen Schüssler[redakti | redakti fonton]

Steffen PIETSCH [ŝtefen piĉ], ekde la edziĝo Steffen SCHÜSSLER [ŝisler] (naskita la 5-an de januaro 1970(nun 1970-01-05), do nun 44-jara) estas germana esperantisto kaj informadikisto. Li en la 1990-aj jaroj, dum studado de ekonomika matematiko en la Teknologia Universitato Berlino, estis estrarano de Germana Esperanto-Junularo kaj gvidis ties oficejon en Berlino.

Hans Schütt[redakti | redakti fonton]

Hans SCHÜTT [ŝit] (naskiĝis en 1908, mortis la 2-an de decembro 1993 en Hamburgo, Germanio) estis tra 37 jaroj UEA-fakdelegito pri komerco kaj regula membro de Societo Zamenhof.

Karl Simon[redakti | redakti fonton]

Karl SIMON (naskiĝis en 1896, mortis la 12-an de aŭgusto 1989 en Munkeno, Germanio) estis UEA-fakdelegito pri fervojoj dum trideko da jaroj. Ne konfuzu lin kun la forst-sciencisto Karl-Hermann Simon.

Rudolf Skoruppa[redakti | redakti fonton]

Rudolf SKORUPPA (naskiĝis en 1930, mortis en 2003) estis delegito kaj fakdelegito pri fotografio, katolikismo kaj naturkuracado (1995-2002), mortis la 2-an de novembro 2003 en Bad Wörishofen (Germanio).

Erwin Stolpe[redakti | redakti fonton]

Erwin STOLPE (naskiĝis en 1894, mortis la 13-an de aprilo 1970) estis germana esperantisto, vic-prezidanto de Internacia Esperanto-Asocio de Juristoj. Li partoprenis la organizitan Esperanto-movadon jam de 1913. Inter 1947 kaj 1960 li deĵoris kiel juĝisto ĉe la supera tribunalo de Berlino.

Ŝ[redakti | redakti fonton]

T[redakti | redakti fonton]

Luise Tressel[redakti | redakti fonton]

Luise Tressel (naskiĝis en 1888, mortis la 9-an de julio 1975), vidvino de la iama delegito de UEA en Munkeno, Germanio (kiu sian delegitan funkcion plenumis dum 53 jaroj). Ankaŭ s-ino Tressel estis dum multaj jaroj aktiva en la Movado kaj mem estis membro de UEA.

Wilhelm Treude[redakti | redakti fonton]

Wilhelm Treude (mortis la 12-an de julio en Stuttgart, Germanio) estis dumviva membro de UEA kaj malavara subtenanto de ĝia laboro - speciale ĉe Unuiĝintaj Nacioj.

Claude Trésorier[redakti | redakti fonton]

Claude TRÉSORIER naskiĝis la la 4-an de majo 1948(nun 1948-05-04), do nun 66-aĝa, estas franca esperantisto vivanta en la germana urbo Göttingen. Li estas la filo de Jacqueline Trésorier. Li laboras kiel docento en la instituto pri romanistiko de la universitato de Göttingen, kaj movade inter alie estas delegito de UEA.

U[redakti | redakti fonton]

Adam Uebags[redakti | redakti fonton]

Adam UEBAGS (naskiĝis en 1914, mortis en 1993 en Aĥeno (Germanio) estis dum trideko da jaroj UEA-delegito kaj fakdelegito pri komerco. Li prezidis la klubon de Akeno kaj organizis post la Dua Mondmilito "trilandajn renkontiĝojn" (Belgio, Germanio, Nederlando).

Ŭ[redakti | redakti fonton]

V[redakti | redakti fonton]

Gerhard Vogel[redakti | redakti fonton]

Gerhard VOGEL (naskiĝis en 1910, mortis post longa malsano la 30-an de marto 1979) estis esperantisto kaj multjara fakdelegito de UEA pri turismo en Kolonjo, Germanio.

Friedrich Volk[redakti | redakti fonton]

Friedrich VOLK (naskiĝis en 1894, mortis komence de decembro 1993) estis dumviva membro de UEA, honora membro de Germana Esperanto-Asocio kaj multjara gvidinto de la E-grupo en Würzburg.

W[redakti | redakti fonton]

Hermann Wagner[redakti | redakti fonton]

Hermann WAGNER (naskiĝis en 1898, mortis la 17-an de julio 1975 en Fürth, Germanio) estis membro de UEA ekde 1947, dum la lastaj 20 jaroj de sia vivo regule en la kategorio de membro-subtenanto. Li estis ankaŭ delegito kaj fakdelegito. Pli konata estas lia samnomulo Hermann Wagner.

Hermann Wehrheim[redakti | redakti fonton]

Hermann WEHRHEIM (naskiĝis 1885 - mortis la 4-an de majo 1977, en Hildesheim, Germanio), estis germana esperantisto. D-ro Wehrheim estis membro de UEA seninterrompe dum la lastaj 30 jaroj de sia vivo.

Josef Weidacher[redakti | redakti fonton]

Josef WEIDACHER (naskiĝis en 1920, mortis la 8-an de julio 2000) estis germana esperantisto kaj fervojista aktivulo. Li estis honora membro de la Esperanto-Klubo Munkeno.

Agnes Wermke[redakti | redakti fonton]

Agnes WERMKE estis germana instruistino. Ŝi deĵoris kiel parolintino por Esperanto ĉe la unua radio-sendstacio en Königsberg (Preußen) de 1927, ĝis la detruo de la demokratio en 1933. Ŝi verkis: „La konsonant-kombinoj de Esperanto kaj la demando de l' silabo-disigo“ (1910, 62 paĝoj).

Heinrich Wieners[redakti | redakti fonton]

Heinrich WIENERS (naskiĝis en 1900; mortis la 30-an de aprilo 1988 en Lahr) estis germana esperantisto kaj dumviva membro de UEA.

Julie Winter[redakti | redakti fonton]

Julie WINTER (naskiĝis en 1906, mortis en Wolfhagen, Germanio) estis konstanta membrino de Societo Zamenhof ekde 1969. De 1969 ĝis 1992 ŝi estis respondeculo de Veterana Esperantista Klubo.

X[redakti | redakti fonton]

Y[redakti | redakti fonton]

Z[redakti | redakti fonton]

Gerhard Ziegler[redakti | redakti fonton]

Gerhard Ziegler en 1981 verkis Esperanto-tradukon de pluraj "elektitaj satiroj" de Efraim Kiŝon, kiuj sub tiu titolo publikiĝis en eldonejo Bleicher.