Guy de Maupassant
Guy DE MAUPASSANT (naskiĝis la 5-an de aŭgusto 1850 en Fécamp; mortis la 6-an de julio 1893) estis franca verkisto, aŭtoro de romanoj kaj fabeloj.
Li naskiĝis en Fécamp kaj ne en la kastelo de Miromesnil, kvankam lia patrino pro snobismo volis kredigi ĝin. Admiranto kaj amiko de Gustave Flaubert, li publikigis sian unuan novelon, «Boule de Suif», en la Manifesto de la Naturalismo de la Vesperoj de Medano (Soirées de Médan), organizitaj de Émile Zola en 1880.
Tiu novelo ebligis al Maupassant esti lanĉita en la verkarto kaj obteni ian sukceson; li fariĝis aŭtoro de naturalismaj fabeloj kaj noveloj, liaj plej ŝatataj temoj estis la vivo de la normandaj kamparanoj, de la et-burĝoj, en kiuj li rakontas pri amaj aventuroj aŭ pri frenezecaj halucinoj: La Maison Tellier (1881), Les Contes de la Bécasse (1883).
En pluraj el liaj fabeloj, kiel «Fort comme la mort» (1889), oni trovas ĉe li tiun timon pri la morto laj pri la supernatureco, kiu parte respondecas pri lia estonta freneziĝo, kaj eĉ ian kruelecon en «Mademoiselle Cocotte» aŭ «Le Noyé». Li ankaŭ publikigis romanojn: Une vie (1883), Bel-Ami (1885), Une partie de campagne.
Trafita de nervozaj perturboj (sekvoj de sifiliso) li mortis preskaŭ freneza en la kliniko de D-ro Blanche kaj estis entombigita en la pariza tombejo de Montparnasse.
En Esperanto aperis
- Preskaŭ fablo (tr. S. B-n el Jalto, Esperantisto, 8/1894)
- La sankta milito (tr. H. van Etten, Bohema revuo Esperantista, 1910, p. 77-78)
- La Servo-Soldato (tr. A. Kofman, Lingvo Internacia, Bensona Universala E-Metodo)
- La reveno (tr. R. Richez, Literatura Mondo, Bensona Universala E-Metodo)
- La Normandaj Rakontoj, trad. R. Dupuis, eld. ESE Stockholm, 1953.
- Boule de suif, trad. F. de Diego, eld. Artur E. Iltis Saarbrücken, 1982
- La rimedo de Roger, tradukis Daniel Luez, en: La Ondo de Esperanto, 1998, numero 7.
- La mastrino, tradukis Daniel Luez, en: La Ondo de Esperanto, 1991, numero 1.
- La horlo, tradukis "Stellano", en: Uzino 4, 2003, ISBN 91-7303-183-6, paĝoj 49-87.
- La etulo, tradukis Marc PAFO, en: Uzino 5, 2003, ISBN 91-7303-201-8, paĝoj 31-38.
- Dek rakontoj de Guy de Maupassant. 2011. 114 p. (tr. Noël Lecomte) — ISBN 1-4663-7825-5
- Dek rakontoj de Guy de Maupassant. 2011. 136 p. (tr. Noël Lecomte) * * cifereca versio
- Mia onklo Julio (tr. Noël Lecomte)