György Somlyó

György SOMLYÓ [djordj ŝomjO], hungare Somlyó György, Esperante Georgo Somlyó estis hungara poeto, verkisto kaj tradukisto.

Li naskiĝis la 28-an de novembro 1920 en Balatonboglár. Li mortis la 8-an de majo 2006 en Budapeŝto.

Biografio

Lia patro estis same poeto: Zoltán Somlyó, tial li frue konatiĝis kun Gábor Devecseri, Miklós Radnóti, Dezső Kosztolányi, Attila József. Li aliĝis al Nyugat. Dum la 2-a mondmilito li estis trudlaboristo, kiel judo. Post la mondomilito li lernis en Budapeŝto kaj Parizo. Ekde 1948 li havis laŭvice postenojn en Nacia Teatro (Budapeŝto) kaj Hungara Radio. En 1958 li aperigis amtologion pri francaj poetoj. Poste li vivis en Francio kaj Italio. Li ricevis premion Kossuth en 1997 kaj pli antaŭe kaj poste ankaŭ aliajn premiojn.

Verkoj (selekto)

• Talizmán poemoj, 1956
• A mesék második könyve (Dua libro de la fabeloj), poemoj, 1971
• Kőkörök (Ŝtono-rondoj), kolektitaj poemoj, 1978
• Ami rajtam túl van (Tio, kio postlasis min), elektitaj poemoj 1937-1986, 1988
• Nem titok (Tio ne estas sekreto), poemoj, 1992
• Ahol van (Kie estas), poemoj, 2002
• diversaj tradukaĵoj de Paul Valéry, William Shakespeare, André Gide, Jean Anouilh, Victor Hugo, Alphonse de Lamartine, Jean Racine, Honoré de Balzac

Fontoj

• Hungara Vikipedio