Gyula Baros
Gyula BAROS [djula baroŝ], laŭ hungarlingve kutima sinsekvo Baros Gyula estis hungara literaturhistoriisto, instruisto, membro korespondanta de Hungara Scienca Akademio (1927).
Gyula Baros [1] naskiĝis la 22-an de januaro 1876 en Budapeŝto. Li mortis la 17-an de oktobro 1936 en Budapeŝto.
Biografio
Gyula Baros frekventis universitaton en Budapeŝto, poste li iĝis porvirina edukisto en 1899, instruisto en gimnazio en 1906. Li estis unu el la fondintoj de Hungara Literaturhistoria Societo en 1911, poste li foje redaktis ties periodaĵon. Liaj artikoloj aperis ankaŭ en aliaj gazetoj.
Verkaro (elekto)
- Rimay János szerelmi lírája (Amora liriko de János Rimay) 1906
- Gróf Széchenyi István emlékezete (Rememoro pri István Széchenyi) 1910
- Jókai Mór a szépirodalomban (Mór Jókai en la belliteraturo) 1925
- Szent Margit legendája (Legendo de Sankta Margareta de Hungario) 1927