Hamidaj masakroj

El Vikipedio, la libera enciklopedio
Saltu al: navigado, serĉo

La hamidaj masakroj, ankaŭ konataj kiel la armenaj masakroj de 1894-1896, igas referencon al la diversaj masakroj kaj kolektivaj amasmurdadoj kiujn, dum tiuj jaroj, suferis la armenoj de la Osmanida Imperio, dum regado de la sultano Abd-ul-Hamid la 2-a.

La politika, socia kaj ekonomia krizoj kiujn travivis la Osmanida Imperio dum la lasta triono de la 19-a jarcento estis la aferoj kiuj instigis la konfronton inter la islama loĝantaro kontraŭ la kristanaj malplimultoj kaj ĉefe kontraŭ la armenoj. La aŭtoritateca registaro de la sultano Abd-ul-Hamid la 2-a devis alfronti diversajn postulojn kaj enmiksiĝojn de la eŭropaj potencoj, kaj en tiu kunteksto la petoj de la armena komunumo por pli da demokratio kaj sociaj rajtoj estis subpremitaj per akra rigoreco kaj per kolektivaj masakroj kontraŭ la plimulto de la armena loĝantaro. La ribeloj kaj protestoj organizitaj aŭ gviditaj de la armenaj naciismaj partianoj servis kiel justigado por uzado de la perforto kontraŭ la aktivistoj kaj la armenoj ĝenerale.