Hariharananda Giri

El Vikipedio, la libera enciklopedio
Saltu al: navigado, serĉo

Hariharananda Giri Paramahansa (naskiĝis la 27-an de majo 1907 en Habibpur, 65 km de Kalkuto, mortis la 3-an de decembro 2002 en Miamo, Florido) – majstro de krijajogo, kiun instruis en Barato kaj okcidente.

Biografio[redakti | redakti fonton]

Robindranath Bhattacharya (la familia nomo) naskiĝis en Okcidenta Bengalio. Jam de la plej junaj jaroj li interesiĝis pri religio kaj spirita evoluo. En la aĝo de naŭ jaroj votis celibaton. Kiel 11-jarulo iniciĝis en ĝnjanajogo fare de Sri Bijoy Krishna Chattopadhyay (disĉiplo de Trailinga Svami de Varanasio). En 1932 en aŝramo en Serampore renkontis Sri Juktesvaron, kiu inicis lin en krijajogon. Post kelkaj jaroj sub lia gvido finis la unuan krija. Poste la duan, trian kaj kvaran helpe de (respektive): Paramahansa Jogananda, Sanjala Mahaŝai kaj Svami Satjananda. En 1948 atingis nirvikapla samadhion kaj staton de paramahanso. La 27-an de majo 1959 ricevis inicon al sanjaso de ŝankaraĉarjo Svami Bharati Tirtha el monaĥejo en Puri (ŝtato Oriso), akceptante la spiritan nomon Svami Hariharananda Giri. En 1977 estis publikigita la unua eldono de lia libro Krijajogo. Lia daŭra restadejo estas aŝramo en Florido. Paramahansa Hariharananda foriris en Mahasamadhio la 3-an de decembro 2002.

Eksteraj ligiloj[redakti | redakti fonton]