Heineken

El Vikipedio, la libera enciklopedio
Saltu al: navigado, serĉo
Iama Heineken-bierproduktejo en Amsterdam

La nederlanda bierfarejo Heineken kaj Co estis fondita la 16-an de decembro de 1863 far Gerhard Adriaan Heineken. Ĝi estas la dua plej granda bierfarejo en Eŭropo (2004) kaj ekde 2004 eĉ la tria plej granda bierfarejo de la mondo post la belga InBev kaj Anheuser-Busch en Usono.

En 1863 aĉetis Gerard Adriaan Heineken - en aĝo de 22 jaroj - la bierfarejon "De Hooiberg" - tiam la plej grandan en la ĉirkaŭaĵo - en Amsterdam. Tie oni produktis bieron jam ekde ĉ. 1592. Ĝis 1886, oni produktis tie trofermentitajn, poste - laŭ germana ekzemplo - subfermentitan bieron.

Per agresa prezopolitiko, Heineken akiris en 1912 la gvidantan rolon en la hejma merkato. En 1931 oni fondis la unuan eksterlandan filialon en Surabaja, Indonezio. La produktado atingis eĉ 200.000 hl jare (ĉe konkurantoj ĉ. 3000 hl je jaro). En 1936, Heineken fondis kun la trinkaĵfirmao "Fraser and Neave" la hodiaŭan Asian Pacific Breweries. La disvastiĝo en Azio baziĝis sur tiuj ĉi fruaj investadoj. Ekde la 1930-aj jaroj, la firmao aperis en Usono.

Post la dua mondmilito, la firmao evoluis ĝis 2000 al la 2-a firmao en la bierfarado kun produkta kvanto de 98 milionoj da hektolitroj je jaro. Heineken eksportas el tio 19 milionojn al 170 landoj kaj tiel ĝi estas la plej disvastiĝanta biermarko.

Heineken kaj politiko[redakti | redakti fonton]

Heineken.jpg

La bierbotelo kaj la firmao portas ruĝan stelon kiel simbolon. Origine oni volis tiel popularigi ĝin inter la laboristoj. Ĉar en Hungario la uzado de ruĝa stelo estas malpermesita, oni provas pro tio eki juĝproceson kontraŭ la firmao en Hungario (2005).

Eksteraj ligiloj[redakti | redakti fonton]