Helmut Qualtinger

El Vikipedio, la libera enciklopedio
Saltu al: navigado, serĉo

Helmut QUALTINGER [HELmut KVALtinga] estis aŭstra verkisto, aktoro kaj kabaredisto. Li naskiĝis je la 8-a de oktobro 1928 en Vieno kaj mortis je la 29-a de septembro 1986, same en Vieno.

Qualtinger jam kiel 17-jarulo publike kabaredis kiel "kulturkomisaro" (mem-donita titolo). De 1947 li kontribuis al la kabareda revuo Die Grimasse ("la grimaco") en Vieno. Ĝis la jaroj 1960-aj li kunagis en la kabareda trupo Das namenlose Ensamble ("la sennoma ensemblo") kune kun Gerhard Bronner, Michael Kehlmann, Georg Kreisler, Louise Martini, Carl Merz, Peter Wehle.

En 1961 Qualtinger konatiĝis per sia figuro Der Herr Karl ("sinjoro Karlo"), kiu, sola sur la scenejo, rakontas al nevidebla partnero pri sia vivo (dum la tempo de naziismo). El liaj ŝajne senkulpaj rimarkigoj montriĝas, ke li estas senkaraktera oportunisto kaj subtenis naziismon, sen esti konvinkita pri ĝi. Per tiu figuro Qualtinger kritikis sintenon ne maloftan en naziisma Aŭstrio. Tiu kritiko portis al li multe la riproĉoj kaj malferma malamo en la lando.

Helmut Qualtinger ankaŭ aperigis multajn sondiskojn, ekzemple Schwarze Lieder (nigraj kantoj) laŭ poemoj de H. C. Artmann kaj Gerhard Rühm.

Apud sia kabareda kaj verkista agado Qualtinger pli kaj pli aktoris ankaŭ en filmoj. Konataj estas liaj roloj kiel kalibro-majstro en "Das falsche Gewicht" (la falsita pezilo) kaj kiel patrulo Remigio de Varagine en "Il nome de la rosa" (la nomo de la rozo) de Umberto Eco.


Eksteraj ligiloj[redakti | redakti fonton]