Helpo:Historio de paĝo

El Vikipedio, la libera enciklopedio
Saltu al: navigado, serĉo

Ĉe ĉiu paĝo vikio konservas historion de redaktoj, kiu enhavas liston de ĉiuj faritaj redaktoj ekde la plej malnova ĝis la plej novaj. De historio eblas ekscii kiu kaj kiam redaktis la paĝon, kompari diversajn versiojn de la paĝo (kaj sinsekvajn kaj kun interaj revizioj) kaj simile. Historio de paĝo alireblas per la ligilo "ligilo" kiu estas en supra parto de ĉiu paĝo.

Numero de revizio[redakti | redakti fonton]

Numero de revizio estas numera datumo, kiu konstante identigas ĉiun konkretan revizion de paĝo. Ĝi ne montriĝas dum kutima legado de vikiaj paĝoj. Por ekscii ĝin oni havas du eblojn:

  1. en la maldekstra ilaro klaki al "Konstanta ligilo" (funkcias nur por aktuala revizio),
  2. iri al historio de la paĝo kaj klaki al dato de koncerna revizio (funkcias por ajna revizio).

En ambaŭ okazoj numero de revizio estas la numero sekvanta post la parto oldid=.

Numero de revizio estas uzata precipe en konstantaj ligiloj al iu konkreta revizio de paĝo, kiel parametro en iuj ŝablonoj (ekz. {{Tradukita}}) kaj en iuj lingvaj versioj de Vikipedio ankaŭ por ŝablono pri elstaraj artikoloj. Numero de revizio estas en kadro de unu projekto ĉiam unika, tamen plejofte ĝi estas uzata kune kun nomo de paĝo (homoj pli facile scias pri kiu paĝo temas).