Leissigen
|
Por samtitola artikolo vidu la paĝon Leissigen (stacidomo). |
| Leissigen | |
|---|---|
 | |
| Blazono de Leissigen | |
_054.JPG) | |
| Leissigen, vidita de Harder Kulm | |
| komunumo en Svislando | |
| Kantono | Berno |
| Administra distrikto | Interlaken-Oberhasli |
| Malnova distrikto ĝis 2009 | Interlaken |
| Koordinatoj | 46° 39′ 18″ N 7° 46′ 23″ O / 46.65500 °N, 7.77306 °O (mapo)Koordinatoj: 46° 39′ 18″ N 7° 46′ 23″ O / 46.65500 °N, 7.77306 °O (mapo) |
| Nombro de loĝantoj | 937 |
| Areo | 10,36 km² |
| Alteco | 575 m super marnivelo |
| Poŝtkodo | 3706 |
| Komunumkodo | 0585 |
 | |
| Mapo de Leissigen | |
Leissigen estis ĝis la 31-a de decembro 2009 komunumo de la distrikto Interlaken kaj ek de la 1-a de januaro 2010 komunumo de la administra distrikto Interlaken-Oberhasli en Kantono Berno, Svislando. Ĝi havis 937 loĝantojn je la 31-a de decembro 2010.
Geografio[redakti | redakti fonton]
La komunumo Leissigen situas en Berna Oberlando ĉe la suda bordo de la Lago de Thun. La komunumo etendiĝas de la lagobordo en nordo ĝis la monto Morgenberghorn en sudo, kie sur alteco de 2249 m s.m. troviĝas la plej alta punkto de la komunumo. La komunumo konsistas el la vilaĝo Leissigen, la la setlejoj Fritzenbach (sur alteco de 666 m s.m. en okcidento, kie troviĝas la gipsofabriko) kaj Herbrig (tute en oriento de la komunumo ĉe la lagobordo), la alpopaŝtejo Meielisalp (sur alteco de 801 m s.m. sude de la vilaĝo), kaj diversaj izolitaj bienoj kaj alpopaŝtejdomoj.[1]
La teritorio de la komunumo etendiĝas sur areo de 10,36 km², de kiuj 52,0% estas kovritaj de arbaro, 31,3% servas por agrikulturo kaj 5,9% por setlado. [2]
Najbaraj komunumoj[redakti | redakti fonton]
La komunumo limas en nordo al Lago de Thun, en oriento al Därligen, sen sudoriento al Saxeten, en sudo al Aeschi ĉe Spiez, en okcidento al Krattigen.
Trafiko[redakti | redakti fonton]
Tra la komunumo pasas la kantona ĉefvojo n-ro 6/11 de Interlaken al Thun. Per tunelo de la svisa aŭtovojo A8 la ĉefa trafiko estas kondukita ĉirkaŭ la komunumo. La komunumo disponas pri stacidomo ĉe la trajnlinio de Berno-Lötschberg-Sempiono-Fervojo de Interlaken al Spiez, kaj pri haltejo por la ŝiptrafiko sur la Lago de Thun.
Historio[redakti | redakti fonton]
La unua dokumenta mencio de Leissigen datiĝas el la jaro 1242 kiel Lensengue.[3] Dum mezepoko Leissigen apartenis al la Senjorujo Unspunnen-Rothenfluh. Per divido de la heredaĵo ĝi fariĝis havaĵo de la Baronoj de Weissenburg, de kiuj ĝin akiris en la jaro 1334 la Monaĥejo Interlaken. Post la mondigo de la monaĥejo pro la reformacio en la jaro 1528 Leissigen fariĝis parto de la Voktejo Interlaken, kiu post la fino de la Helveta Respubliko en la jaro 1803 estis transformita al la distrikto Interlaken kaj en la jaro 2010 integrita al la nova administra distrikto Interlaken-Oberhasli.[4]
Notoj kaj referencoj[redakti | redakti fonton]
- ↑ Fonto: Reta mapo 1:20000 de Swisstopo[rompita ligilo]
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Teksto pri la historio de Leissigen en la oficiala retejo de la komunumo
- ↑ Fonto: Anne-Marie Dubler: Leissigen en Historia Leksikono de Svislando (2008-11-20)
Vidu ankaŭ[redakti | redakti fonton]
Eksteraj ligiloj[redakti | redakti fonton]
- Vidu ankaŭ en la Vikimedia Komunejo la kategorion Leissigen – (Kolekto de bildoj kaj plurmediaj dosieroj)
Bildoj[redakti | redakti fonton]
-
Preĝejo de Leissigen kaj muelejo -
Leissigen vidita de la enirejo de la Sankt-Beato-Kaverno.
_011.JPG)
| ||||||
