Hermann Hesse
Hermann HESSE [Herman Hese] (n. la 2-an de julio 1877 en Calw / Germanio, m. la 9-an de aŭgusto 1962 en Montagnola / Svislando) estis verkisto kaj pentristo.
Kiel filo de kristanaj misiistoj li en 1891 komencis studi teologion, sed forlasis tion jam post unu jaro. Li fariĝis mekanikisto, poste librovendisto. En 1912 li elmigris al Svislando kaj en 1923 li akiris la svisan ŝtatanecon.
Literaturan famon li akiris per sia romano Peter Camenzind (1904), kies sukceso ebligis al la aŭtoro, dediĉi sin plene al la verkado. Devenis multaj gravaj verkoj temantaj la konfliktojn de la individuo kun la normoj de la socio kaj sian serĉadon de spiriteco. Hermann Hesse, kiu en 1946 estis honorata per la Nobel-Premio pri Literaturo, estas konsiderata unu el la plej famaj eŭropaj aŭtoroj de la 20-a jarcento.
En sia juneco, li lernis Volapukon. Poste li interesiĝis ankaŭ pri interlingvistiko.
Listo de verkoj
Beletrismaj
- Peter Camenzind (1904)
- Unterm Rad (1906)
- Gertrud (1910)
- Roßhalde (1914)
- Knulp (1915)
- Demian (1919)
- Klingsors letzter Sommer (1920)
- Siddhartha (1922)
- Der Steppenwolf (1927, La stepa lupo)
- Narziss und Goldmund (1930)
- Die Morgenlandfahrt (1932)
- Das Glasperlenspiel (1943)
Pri interlingvistiko
- Die Weltsprache. Ein Ruf an die Gesamtmenschheit. Dresden, Leipzig: Pierson (1916).
En Esperanto aperis
Prozo
- Ŝablono:Pejnejo (Der Wolf) tradukita de Pejno Simono
- La Lupo (Der Wolf). Tradukita de William Walter Patterson kaj helpintoj (1999-2000)
- Tri Tilioj. Fabelo pri tri fratoj arestitaj. (el Retarkivo 2005) Tradukita de Wolfgang Kirschstein
- La lasta somero de Klinsor Elĉerpaĵo tradukita de Wolfram Diestel
- Demian tradukita de Detlef Karthaus, aperis en 2007 ĉe Mondial
- Sidarto tradukita de Detlef Karthaus, aperis en 2010 ĉe Mondial
Poezio
Eksteraj ligiloj
greke http://www.gss.ucsb.edu/projects/hesse
|