IJK 2013
La 69-a Internacia Junulara Kongreso (IJK) de TEJO okazos de la 19-a ĝis la 26-a de aŭgusto 2013 en Nazareto, Israelo kaj organizos ĝin Junulara Esperanto-Ligo Israela[1]. La organizantoj unue proponis kiel kongresan temon "Reciklado – ĉu nova vivmaniero? ĉu nova religio?"[2], sed ĝi estis poste ŝanĝita al "Mondaj demandoj – Esperplenaj respondoj: socio, medio, ekonomio".
Por la organizado de la 69-a IJK ĝis la limdato (la 10-a de decembro 2011) kandidatiĝis ankaŭ Germanio (GEJ) kaj Meksiko (MEA)[3], aldone intereson neformale esprimis kelkaj pliaj grupoj. Pro la rezigno de Japanio kiel kongreslando de la IJK en 2012, oni ĉirkaŭ la jarŝanĝo 2011/2011 dum certa tempo konsideris peti al iu el la kandidatoj por 2013 transpreni la organizadon jam de tiu IJK[4]; fine oni tamen elektis Vjetnamion, en kiu okazis ankaŭ la 97-a Universala Kongreso.
Kelkajn semajnojn antaŭ la IJK eblos partopreni en la 98-a UK okazonta en Rejkjaviko (Islando)[5].
Organiza teamo [redakti]
La Lokan Kongresan Komitaton konsistigas sep personoj[6]:
- Fidaa Moghrabi – prezidanto
- Karina Mąkosa – taga programo
- Wasseem Zaher – vespera programo
- Sergeo Meir Goren – financoj
- Dror Gaon – informado
- Oded Gil'ad – invitleteroj kaj vizoj
- Adam Mesha – teĥnika administrado
Referencoj [redakti]
- ↑ Esperanto-Ligo en Israelo: 69-a Internacia Junulara Kongreso
- ↑ IJK restos en Azio: en 2012 okazos en Vjetnamio kaj sekvajare en Israelo
- ↑ Milito ne haltigos IJK-n en Israelo
- ↑ TEJO esperas ke junulara kongreso tamen okazos en Azio
- ↑ Gazetaraj Komunikoj de UEA, n-ro 424, el la 30-a de julio 2011
- ↑ Organizantoj de la 69-a IJK
Eksteraj ligiloj [redakti]
- La oficiala retpaĝo de la 69-a Internacia Junulara Kongreso
- IJK 2013 en la retpaĝo de de Esperanto-Ligo en Israelo
- Karavano al la 69-a Internacia Esperantista Kongreso
|
||||||
