Informo Lalonde
La Informo Lalonde, aŭ en angla Lalonde Report, estas informo de 1974 produktita en Kanado oficiale titolita A new perspective on the health of Canadians (Nova vidpunkto pri la sano de kanadanoj).[1] Ĝi proponis la koncepton "health field" (sankampo aŭ sanfako), identigante du ĉefajn san-rilatajn celojn: nome sansistemo; kaj preventado de sanproblemoj kaj sandisvolvigo.
Aankampo[redakti | redakti fonton]
La koncepto "health field", identigita en la informo Lalonde, estis konsiderata komponita de kvar interdependaj fakoj determinitaj kiel influaj sur la individua sano. Tiuj estas la jenaj:[1]
- Biologio: ĉiuj aspektoj de sano, kaj fizika kaj mensa, disvolvigitaj ene de la homa korpo kaj influitaj de la genetika formado;
- Medio: ĉiuj aferoj rilataj al sano eksteraj al la homa korpo, sur kiu la individuo havas malmulte aŭ nenian kontrolon, kiaj la fizika kaj socia medioj;
- Vivostilo: la aldono de personaj decidoj (t.e. sur kiu la individuo havas kontrolon) pri kiuj oni povas diri ke ili kontribuas al, aŭ kaŭzas, malsanon aŭ morton;
- Sanzorga organizado: inkludas medicinan praktikon, flegadon, malsanulejojn, malsanulejojn, medicinajn drogojn, publiksanajn servojn, paramedicinajn servojn, dentotraktadon kaj aliajn sanservojn.
Referencoj[redakti | redakti fonton]
- ↑ 1,0 1,1 Lalonde M. A new perspective on the health of Canadians. A working document. Ottawa: Government of Canada, 1974.