Inn
| Inn | |
|---|---|
 | |
| rivero | |
| Bazaj informoj | |
| Fluo | |
| Geografio | |
 | |
La rivero Inn (en Esperanto ankaŭ Eno, romanĉe En) fontas el Morteratsch-Glaĉero (je 2000 m s.m.) en Engadino en la Grizonaj Alpoj kaj el la lago Lunghin (je 2484 m s.m.), proksime de la Malojopasejo. Tie, ĉe monto Piz Lunghin, akvoj fluas al tri maroj: Adriatiko tra Pado, Atlantiko tra Rejno kaj Nigra Maro tra Danubo, al kiu fine iras ankaŭ la akvo de Inn.
La rivero unue trafluas la grizonan valon Engadino, kiu konsistigas la koron de romanĉlingva Svislando, nord-orienten al Aŭstrio. Tiam ĝi trafluas la aŭstran provincon Tirolo kaj turniĝas iom norden, borante sian vojon tra la Nordaj Alpoj. Atinginte la germanan provincon Bavario ĝi formas unue la aŭstrian-germanian landlimon, poste trafluas Bavarion kaj kurbiĝas orienten por denove atingi tiun landlimon, laŭ kiu ĝi fluas ĝis la urbo Passau. Tie ĝi, forlasinte la limon okcidenten (germanien) dum mallonga distanco, fluas en la riveron Danubo.
La valo de Inn inter Innsbruck kaj la limurbo Kufstein estas parto de la plej grava nord-suda vojo tra la Alpoj, kies daŭrigo suden estas la pasejo Brenner (Brenero).
Urboj ĉe la rivero
- Sankta Maŭrico en Grizono
- Zernez en Grizono
- Scuol (Schuls) en Grizono
- Landeck en Tirolo
- Innsbruck en Tirolo
- Kufstein en Tirolo
- Rosenheim en Bavario
- Wasserburg en Bavario
- Schärding en Supra Aŭstrio
- Passau en Bavario
Flankaj riveroj
En la riveron Inn fluas interalie jenaj riveroj kaj riveretoj, nomataj ek de la riverfino en Passau:
| Rott | ||
| Pram | ||
| Kößlarner Bach | ||
| Erlbach | ||
| Mattig | ||
| Salzach | ||
| Alz | ||
| Isen | ||
| Attel | ||
| Mangfall | ||
| Sims | ||
| Rohrdorfer Ache | ||
| Thierseer Ache | ||
| Brixenthaler Ache | ||
| Brandenberger Ache | ||
| Ziller | ||
| Sill | ||
| Ötztaler Ache | ||
| Sanna | ||
| Pitze | ||
| Spöl | ||
| Bernina | ||
