Interlingo

El Vikipedio, la libera enciklopedio
(Alidirektita el Interlinguo)

InterlingInterling Sistem, estas naturalisma internacia planlingvo proponita de Thomas Wood en 1956. Estas evoluinta formo de InterlinguInterling, proponita de la sama aŭtoro en 1929. La lingvo estas bazita sur la strukturo de la angla lingvo kun internacia vortaro. La influo de Novialo kaj Interlingvao estas sentebla. La projekto klasigeblas Eŭroklono, do naturalisma planlingvo bazita sur eŭropaj lingvoj.

La lingvo estas naturalisma serĉante la simplecon: l' adjektivo kaj l' adverbo havas ĉiam la saman formon; unu vorto povas esti samtempe substantivo kaj verbo.

Gramatiko[redakti | redakti fonton]

Estas nula finaĵo por substantivo. Substantivo havu "plej simplan formon", kiu ekzistas en baz-lingvo, ekz.: adres (adreso). Pluralo havas finaĵon 's: li buk's (la libroj). Partiklo si montras posedon: li hom si buk.

Verba finaĵo -a kaj adjektiva finaĵo -i estas elizieblaj laŭvole. Verbo estas analiza kiel en Novialo:

me skribar, me did skriba, me sal skriba, me av skriba, me wud skriba, ktp.

Vortordo estas libera. Oni povas skribi:

me av donad, me av dona, aŭ me av don (mi donis).[klarigu]

Ekzempletoj[redakti | redakti fonton]

La 1929-a versio:

  • Til nu nul interlingu aev gan sukses, tamen an interlingu be nedic.
Ĝis nun, neniu interlingvo havis sukseson, sed iu interligvo estas necesa.

La 1956-a versio:

  • "Li international lingue deb ese komprendabl ad al civilizat europan's qazi sin precedent instruktion." (Edgar de Wahl)
La internacia lingvo devas esti komprenebla al ĉiuj eŭropaj civilizuloj preskaŭ sen antaŭa instruo
  • "Li mest bon interlingue es ta qe ofre, in al punt, li mest facilita a li mest grand numer ov persons's." (Otto Jespersen)
La plej bona interlingvo estas tiu, kiu ofertas, en ĉiuj punktoj, la plej grandan facilecon al la plej granda nombro da personoj
Al unu homaro, unu lingvo.

Bibliografio[redakti | redakti fonton]

La versio de 1956 ricevis la bibliotekan klasifikon 419.4 "1956" WOO de Biblioteko Butler.

  • Wood, Thomas. Interling: a new interlanguage. Cheshire: 1929 (11 p.)