Internacia Pakto pri Ekonomiaj, Sociaj kaj Kulturaj Rajtoj
La Internacia Pakto pri Ekonomiaj, Sociaj kaj Kulturaj Rajtoj estas multflanka ĝenerala traktato kiu rekonas la ekonomiajn, sociajn kaj kulturajn rajtojn kaj starigas mekanismojn por protekti kaj garantii ilin. Ĝi estis adoptita de la Ĝenerala Asembleo de Unuiĝintaj Nacioj pere de la Rezolucio 2200A (XXI), de la 16-a de decembro 1966 kaj ekviglis la 3-an de januaro 1976. La subskribintaj landoj kompromisiĝas por la koncedado de ekonomiaj, sociaj kaj kulturaj rajtoj al la homoj, inkluzive de la laboraj rajtoj kaj rajto al la sano, edukado kaj adekvata vivnivelo. En decembro 2008, la Pakto estis subskribita de 160 ŝtatoj. Aliaj landoj jam subskribis sed ne ratifis ĝin.
La Pakto estas parto de la Internacia Ĉarto de Homaj Rajtoj de internacia juro de homaj rajtoj, kune kun la Universala Deklaracio de Homaj Rajtoj kaj la Internacia Pakto pri Civilaj kaj Politikaj Rajtoj, inkluzive de la Unua kaj la Dua Protokoloj.
La Pakto estas gvidata de Komitato pri Ekonomiaj, Sociaj kaj Kulturaj Rajtoj de Unuiĝintaj Nacioj.