Internacia Seminario

El Vikipedio, la libera enciklopedio
Saltu al: navigado, serĉo
Nuvola apps kuser.svg IS
Nomo Internacia Seminario
Regiono Germanio
Periodo Jarfine
Organizanto GEJ
Ekzistas ekde 1957
Celgrupo Junularo kaj junaj familioj
Informa retpaĝo IS-paĝo
Fota retpaĝo bildoj.esperanto.de
v  d  r
Information icon.svg
Grupfoto dum la 49-a IS 2005/2006 en Xanten (ne ĉiuj partoprenintoj estas en la foto)

Internacia Seminario (IS) estis ĝis 2009[1] internacia junulara novjara Esperanto-renkontiĝo organizata de la Germana Esperanto-Junularo (GEJ) ĉiujarfine en malsama germana urbo, de la 27-a de decembro ĝis la 3-a de januaro. La lasta, 52-a IS 2008/2009, okazis en Biedenkopf, kun 138 partoprenintoj el 24 landoj[2]; tio estis iom sub la kutimaj nombroj de la tri antaŭaj jaroj de ĉ. 180 partoprenantoj[3]. (Partoprenaj nombroj de 250 ĝis 300 okazis en la periodo kvin ĝis dek jarojn antaŭe.) Ekde la jarŝanĝo 2009/2010 la Junulara E-Semajno anstataŭis la IS-n kiel ties kuniĝo kun la Ago-Semajno. La unuan IS organizis Richard Reuchlin kaj Uwe Joachim Moritz.

Krom prelegoj kaj diskutrondoj pri la kadra temo, programo de la Internacia Seminario ofertadis ankaŭ ĝeneralajn prelegojn, ekskursojn, koncertojn kaj aliajn distrajn programerojn (kiel ekzemple la tetrinkejo gufujo). Kulmino de la IS ĉiam estis la Silvestra Balo kun danckonkurso. Aparte meniciindas la 10-a IS en Münster, kiam 10 profesoroj prelegis.

"Internacia Seminario" estis la oficiala nomo. Ĉar la renkontiĝo sufiĉe ŝanĝiĝis dum la jardekoj, precipe perdante sian puran seminarian karakteron, en la 1990-aj jaroj oni komencis en la germana nomi ĝin "Internationale Woche" ("Internacia Semajno").

Historio[redakti | redakti fonton]

30-a IS deutsch A.jpg

Fontindikoj[redakti | redakti fonton]

  1. Kunigo de IS kaj AS, ĉi-jare en Zakopane - JES!!! (oficiala komuniko pri JES de PEJ- kaj GEJ-Estraroj): "kunigon de IS kaj AS ... gvidos ĝin teamo de kvar spertuloj de ambaŭ pasintaj eventoj"
  2. Laŭ IS-administrado, demandita je la 3a de januaro.
  3. 2005/06: 174 homoj en Xanten; 2006/07: 206 homoj en Wewelsburg (50-a, jubilea IS); 2007/08: 180 homoj en Würzburg

Eksteraj ligiloj[redakti | redakti fonton]

  • La eksa oficiala retpaĝaro www.internacia-seminario.de respektive is.esperanto.de laŭ la stato de printempo 2012 ne plu alireblas. Nemovade arkiviĝis, en grafike tre simpligita versio, iuj antaŭaj versioj de la retejo ekzemple jen pri la 51-a IS (stato novembro 2007).