Internacia lingvistika olimpiado
Internacia lingvistika olimpiado (IOL) estas ĉiujara konkurado pri teoria, matematika kaj aplikebla lingvistiko inter mezlernejanoj. Oni aranĝas ĝin ekde la 2003 jaro iniciate de rusaj lingvistoj, kiuj jam dum multaj jaroj aranĝas en Rusio similan olimpiadon (vd. Moskva libera tradicia olimpiado pri lingvistiko kaj matematiko).
Partopreno
Loko de aranĝado estas markita.
Lando | 2003 | 2004 | 2005 | 2006 | 2007 | 2008 | 2009 | 2010 |
---|---|---|---|---|---|---|---|---|
Aŭstralio | - | - | - | - | - | - | + | + |
Barato | - | - | - | - | - | - | + | + |
Bulgario | + | + | + | + | + | + | + | + |
Estonio | + | + | + | • | + | + | + | + |
Finnlando | — | — | + | + | + | — | - | - |
Germanio | — | — | - | — | — | + | + | + |
Hispanio | — | — | — | — | + | — | - | - |
Irlando | - | - | - | - | - | - | + | + |
Latvio | + | + | + | + | + | + | + | + |
Litovio | — | — | — | + | — | — | - | - |
Nederlando | + | + | + | + | + | + | + | + |
Norvegio | - | - | - | - | - | - | - | + |
Pollando | — | — | + | + | + | + | + | + |
Rumanio | — | — | + | — | — | — | - | - |
Rusio | + | + | + | + | + | + | + | + |
Serbio | — | + | + | + | — | — | + | + |
Singapuro | - | - | - | - | - | - | - | + |
Slovenio | — | — | — | — | — | + | + | + |
Sud-Koreio | — | — | — | — | — | + | + | + |
Svedio | — | — | — | — | + | + | + | + |
Britio | - | - | - | - | - | - | + | + |
Usono | — | — | — | — | + | + | + | + |
Keklkaj grandaj landoj partoprenas per du teamoj (Rusio tradicie sendas unu teamon el Moskvo kaj unu el Sankt-Peterburgo); krome, kiam la olimpiado estas aranĝata en unu definita lando, tiu lando rajtas formi unu plian teamon.
Teamo kutime konsistas el kvar homoj, sed ekzistis ankaŭ teamoj de 1 ĝis 5 homoj.
Partoprenantoj de kelkaj landoj, kiel Bulgario, Rusio, Nederlando, Latvio kaj kelkaj aliaj, estas elektataj per lokaj lingvistikaj olimpiadoj; aliaj povas esti elektataj aŭ el lernantoj de iuj lernejoj (ekzemple, Belgrada filologia gimnazio en Serbio) aŭ el venkintoj de alifakaj olimpiadoj.
Konkurado
La konkurado konsistas el du partoj: tiu persona kaj tiu teama.
La unua estas la persona konkurado. Ĝi daŭras ses horojn. Ĉiu partoprenanto devas solvi kvin lingvistikajn problemojn kaj skribi ilin sur papero. Ĉiu problemo estas tradukita al la denaska lingvo de ĉiu partoprenanto, kaj pro tio oni elpensas ilin tiel, ke ili estu samgrade malfacilaj por parolantoj de diversaj lingvoj kaj ke ili ne temu pri lingvo kiun iu partoprenanto povas koni.
La ĵurio taksas ĉiun solvon de problemo per nombro ekde 0 ĝis 20. Poste oni faras tabelon de partoprenantoj kun sumo de la nombroj ricevitaj de ili por ĉiu tasko. La du aŭ tri unuaj ricevas premion de la unua grado, kelkaj pli subaj tiun de la dua grado, kelkaj eĉ pli subaj tiun de la tria grado (la kvanto ŝanĝiĝas dum jaroj). Por kelkaj eĉ pli subaj eblas laŭdaj folioj, laŭ deziro de la ĵurio.
Dum la teama konkurado (krom la unua olimpiado de la jaro 2003) oni devas solvi nur unu problemon, sed tre malfacilan kaj malkutiman. Laŭ iu definita sistemo oni taksas la solvon, kaj al la tri plej bonaj teamoj oni donas la unuan, la duan kaj la trian premion.
Lokoj de aranĝado
Jaro | Loko | Lando | Dato | Retejo (se ekzistas) |
---|---|---|---|---|
2011 | Pittsburgh | Usono | 2011, 24-30-a de julio | |
2010 | Stokholmo | Svedio | 2010, 19-23-a de julio | [1] |
2009 | Vroclavo | Pollando | 2009, 26—31-a de julio | [2] |
2008 | Sunbordo (Slanĉev Brjag) (*) | Bulgario | 2008, 4—9-a de aŭgusto | [3] |
2007 | Sankt-Peterburgo (Zelenogorsko) | Rusio | 2007, 31-a de julio—4-a de aŭgusto | [4] |
2006 | Tartu | Estonio | 2006, 1—6-a de aŭgusto | [5] |
2005 | Leiden | Nederlando | 2005, 8—12-a de aŭgusto | — |
2004 | Moskvo | Rusio | 2004, 2—6-a de aŭgusto | [6] |
2003 | Borovec (*) | Bulgario | 2003, 6—12-a de septembro | [7] |