Inti
Inti (aŭ Intio) estis en la mitologio de la Inkaoj la Dio de la suno kaj de la ĉielarkoj. Ĝi estis prezentita kiel ora disko kun homa vizaĝo. La regantaj inkaoj estis taksataj kiel vivantaj reenkarniĝoj de Inti.
La Inti-Kulto estis enkondukita fare de la 9-a reganto Pachacútec Yupanqui.
La perua intio, nomita laŭ la dio, inter la jaroj 1965 kaj 1991 estis la nacia valuto de Peruo. 1 000 000 Intioj en 1991 estis interŝanĝitaj je 1 perua nova suno (Nuevo Sol).
