Itapevi (oficiale portugale Município de Itapevi) estas municipo kaj grandurbo en la subŝtato San-Paŭlio de Brazilo. Ĝi situas en la sudorienta regiono de Brazilo, en la mezoregiono Metropolitana de São Paulo kaj en la mikroregiono Osasco. Laŭ la stato de 2015 en la municipo vivis 223 404 loĝantoj sur areo de 82,66 kvadrataj kilometroj, kio rezultigas loĝdenson de 2 703 loĝantoj/km². El tiuj, la nombro de voĉdonrajtuloj en la municipo en marto 2022 estis 158 830. La teritorio havas komunan limon kun Barueri, Araçariguama, Cotia, Jandira, Santana de Parnaíba, São Roque kaj Vargem Grande Paulista.

Geografio =[redakti | redakti fonton]

Itapevi
municipo de Brazilo • urbego
Flago	Blazono
Administrado
Lando	Brazilo
Regiono	Sudorienta regiono
Subŝtato	San-Paŭlio
Mezoregiono	Metropolitana de São Paulo
Mikroregiono	Osasco
Telefonkodo	11
En TTT	Oficiala retejo [+]
Demografio
Loĝantaro	223 404 (2015) [+]
Loĝdenso	2 703 loĝ./km²
Geografio
Geografia situo	23° 33′ S, 46° 56′ U (mapo)-23.548888888889-46.934166666667Koordinatoj: 23° 33′ S, 46° 56′ U (mapo) [+]
Alto	741 m
Areo	82,66 km²
Horzono	UTC-03:00
	Itapevi (Brazilo) Itapevi
	Situo de Itapevi
Alia projekto
	Vikimedia Komunejo Itapevi [+]
	v • d • r

Itapevi situas sur altebenaĵo en sudorienta parto de la lando. San-Paŭlo (urbo) troviĝas en distanco de 32, Guarulhos 42, Campinas 74, Atlantiko 100, Curitiba 313, Nova Iguaçu 367, Rio-de-Ĵanejro 385, Belo Horizonte 509, Goiânia 803, Porto Alegre 836, Campo Grande 864, Braziljo 870, Salvador de Bahio 1473, Maceió 1951, Teresina 2101, Recife 2149, Natalo (Brazilo) 2341, São Luís 2357, Belém 2464, Manaus 2674 kilometroj.

Historio[redakti | redakti fonton]

La formado de la vilaĝo komenciĝis en la 18-a jarcento, la unua domo estis konstruita ĉirkaŭ 1720. En 1875 la fervoja stacidomo de Cotia (São Paulo) estis inaŭgurita, ĉirkaŭe formiĝis kerno de Itapevi. En 1895 italo malfermis ŝtonminejon por produktado de pavimeroj. En 1945 anstataŭ Cotia la stacio ekhavis la nomon Itapevi. Ĝi sendependiĝis en 1958. La grandurbo estis oficiale fondita en la sekva jaro.

Ekonomio[redakti | redakti fonton]

La municipo de Itapevi koncentras komercon kaj industrion kaj ne koncentras la agrikulturon. Plej grava estas la farmacia industrio, iam estis produktado de cementoj.

Klimato[redakti | redakti fonton]

Itapevi situas en humida subtropika zono, kiun forte influas la montara regiono. Jare pluvas po 1324 mm, en ĉiuj momatoj pluvas, sed plej ofte en januaro kaj plej malofte en aŭgusto. La averaĝa temperaturo varias inter 14-26 C.