Jamajka iktero
 | ||||||||||||||
|---|---|---|---|---|---|---|---|---|---|---|---|---|---|---|
.jpg) Jamajka iktero
| ||||||||||||||
| Biologia klasado | ||||||||||||||
| ||||||||||||||
| Icterus leucopteryx (Wagler, 1827) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
La Jamajka iktero (Icterus leucopteryx) estas specio de birdo de la familio de Ikteredoj kaj de ties tipa genro nome Ikteroj kiu enhavas speciojn kiuj montras flavajn kaj nigrajn kolorojn.
Ĝi troviĝas en en Jamajko kaj en la kolombia insulo de San Andrés. Ĝi estis iam en Granda Kajmano en Kajmanoj sed tiu subspecio estas nune formortinta tie.
Ties natura habitato estas subtropikaj aŭ tropikaj humidaj arbaroj de malaltaj teroj, humidaj montararbaroj kaj tre degraditaj iamaj arbaroj.
Tiu estas birdo, kun ĉefe flava plumaro. Maskla plenkreskulo havas malgrandan nigrajn okulmaskon kiel brido el la bekobazo al la okulo, kaj mallarĝan gorĝozonon, kun pli larĝa kunigo de ambaŭ partoj ol ĉe la Nigragorĝa iktero sed ne tiom longa kiom tiu de la menciita iktero. Estas nigraj ankaŭ la vosto kaj la flugiloj kiuj montras tre larĝan blankan flugilstrion kaj kelkajn blankajn plumobordojn, el kiuj ĉefe la flugilstrio nomigas la specion en la latina scienca nomo kie leucopteryx estas kunmetaĵo de du radikoj el la antikva greka kiuj signifas precize “kun blanka flugilo”. Dume Icterus aludas al la ĝenerala flava koloro. La beko estas fortika kaj griza (kun eburblanka unua duono de la suba makzelo), dum ankaŭ la kruroj estas grizaj.
La komuna nomo aludas al la ĉefa insulo kaj lando kie loĝas la specio.
Referencoj[redakti | redakti fonton]
- BirdLife International 2004. Icterus leucopteryx. 2006 IUCN Ruĝa Listo de Minacataj Specioj. Konsultita la 26an de julio 2007.
| ||||||||||||||||||
