James Matthew Barrie

Reviziita versio de ĉi tiu paĝo, aprobita je 17 jul. 2013, estis bazita sur ĉi tiu versio.

Siro James Matthew Barrie (naskiĝis la 9-an de majo 1860; mortis la 19-an de junio 1937), estis skota romanisto kaj dramisto, nun pleje konita kiel kreinto de Petro Pajno. Filo de familio de vilaĝanaj teksistoj, li estis edukata en Skotlando. Li translokiĝis al Londono, kie li disvolvas sian karieron kiel romanisto kaj dramisto. Tie li konatiĝas kun la knaboj Llewelyn Davies, kiuj inspiras al li por verki pri knabo kiu havas magiajn aventurojn en Kensington Gardens (inkludita en Blanka birdeto), poste por verki Petro Pajno, aŭ la Knabo kiu neniam plenkreskiĝis, "fein-rakonto" pri tiu ĉi ĉiama knabo kaj ordinara knabino nomita Wendy kaj iliaj aventuroj en la fantazia Neniamlando. Tiu ĉi verko rapide superombris lian antaŭan laboron kaj kvankam li daŭre verkis sukcese, ĝi iĝis sia plej konita verko, kiel pruvas populariĝo de la nomo Wendy, kiu estis tre malofta antaŭe. Barrie neoficiale adoptis la knabojn Davies post la mortoj de iliaj gepatroj.

Ĉi tiu artikolo ankoraŭ estas ĝermo.

Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton). Bonvolu aldoni parametron por plibone kategoriigi la paĝon.