Janusz A. Zajdel
Janusz Andrzej ZAJDEL [januŝ andĵej zajdel] (naskiĝis la 15-an de aŭgusto 1938 en Varsovio - mortis la 19-an de julio 1985 en Varsovio) - pola sciencfikcia verkisto.
Zajdel komencis torenton de sociologia sciencfikcio en Pollando. Li studis fizikon en Varsovia Universitato. Specialisto de fiziko de atomnukleo, aŭtoro de artikoloj, skriboj kaj libroj popularsciencaj. Li laboris en Centrala Laborejo de Radiologia Gardo, kie en komenco de 1980-a jaroj li kunfondis komisionon de NSZZ Solidarność.
Li debuis kiel sciencfikcia verkisto en ĵurnalo Młody Technik per novelo Tau Wieloryba ("Tau de Baleno"). Zajdel publikigis super kvindek novelojn. Liaj komencaj noveloj estis fidelaj al klasika konvencio de sciencfikcio - priskribis kontaktojn kun aliaj civilizacioj, kosmaj flugoj, stranga inventoj. Lia ĉefa atingo estis tamen serio de romanoj sociologiaj-politikaj. Zajdel prezentis en ili totalismajn, kontrolatajn sociojn.
Zajdel mortis en 1985 pro pulmkancero. Li postmorte ricevis Premion de Pola Fandomo "Sfinkso" por romano Paradyzja. En 1986 tiu ĉi premio nomiĝas per lia nomo (Premio Zajdel).
Verkoj de Zajdel estis tradukitaj en angla, belarusa, bulgara, ĉeĥa, esperanto (novelo Prognozja - "Prognozio"), finna, germana, hungara, rusa kaj slovena lingvo.
Bibliografio
Novelaroj
- Jad mantezji ("Veneno de mantezja" - 1965)
- Przejście przez lustro ("Trairo trans spegulo" - 1975)
- Iluzyt (1976)
- Feniks (1981)
- Ogon diabła ("Vosto de diablo" - 1982)
Eldonitaj postmorte
- Dokąd jedzie ten tramwaj ("Kien veturas tiu ĉi tramveturilo?" - 1988)
- Wyższe racje ("Superaj motivoj" - 1988)
- List pożegnalny ("Adiaŭa letero" - 1989)