Jaremĉe

El Vikipedio, la libera enciklopedio
Saltu al: navigado, serĉo

Jaremĉe (ukraine Яремчe, pole Jaremcze aŭ Jaremcza) estas urbo en la Ivano-Frankivska provinco, en okcidenta Ukrainio. Ĝia loĝantaro estis 7.850 en 2001.

La loko estas konata pro la kuracakvo kontraŭ tuberkulozaj malsanuloj. Ĝia karesnomo estas "Perlo de la Karpatoj", ĉar ĝin ĉirkaŭas arbaraj, pitoreskaj montaraj pintoj.

Ĝi estis fondita fine de la 18-a jarcento, en la intermilita periodo (1918-1939) ĝi apartenis al Pollando kaj estis populara turisma centro, kiu graviĝis ĉiujare. La urbon okupis en 1939 sovetaj trupoj kaj iĝis parto de la Sovetunio ĝis 1991, kiam iĝis parto de la sendependa Ukrainio.

Spektabla estas en la loko ligna ortodoksa preĝejo, fervoja viadukto super valo de Prut (30 m).

La parlamento de Ukrainio decidis la 14-an de decembro, 2006 ŝanĝis la nomon Jaremĉa al "Jaremĉe". La decido okazis laŭ urba referendo, rekomendoj de la urba kaj provinca konsilioj.

Eksteraj ligiloj[redakti | redakti fonton]