Ĵoan-Pesoo

El Vikipedio, la libera enciklopedio
(Alidirektita el João Pessoa (urbo))
Saltu al: navigado, serĉo
Urbo Ĵoan-Pesoo
Blazono de Ĵoan-Pesoo
Flago de Ĵoan-Pesoo
Blazono Flago
Himno
Datreveno 5-a de aŭgusto
Fondiĝo 1585
Nomo de la loĝanto pessoense (pesoenso)
Moto
Urbestr(in)o Luciano Agra (Brazila Socialista Partio)
Situo
Situo de Ĵoan-Pesoo
Subŝtato Paraibo
Mezoregiono Mata Paraibana
Mikroregiono Ĵoan-Pesoo
Najbaraj Urboj Ne disponebla
Distanco al la Ĉefurbo 0 kilometroj
Geografiaj Aspektoj
Areo 210,45 km²
Loĝantaro 702.235 loĝ. 2009 [1]
Loĝdenso 3.336,80 loĝ./km²
Alteco 40 metroj
Klimato tropika Aw
Horzono UTC-3
Sociaj Indikiloj
IHD 0,783 2000 [2]
MEP R$ 5.966.595.000 (57) - 2006 [3]
MEP per capita R$ 8.878,00 2006 [3]
v  d  r
Information icon.svg


Ĵoan-Pesoo (portugallingve: João Pessoa, /žo'ãw pe'soə/), ĉefurbo de subŝtato Paraibo, estas la tria plej antikva urbo en Brazilo, fondita en la 5-a de aŭgusto 1585. Unue ĝi nomiĝis "Paraiba", sed en 1930 ĝia nomo estis ŝanĝita por omaĝi João Pessoa Cavalcanti de Albuquerque.

Ĝi estas inter Paraibo-rivero kaj la Atlantiko. Em Ĵoan-Pesoo estas la Ponta do Seixas (Seiŝas), la plej orienta punkto de la Amerika Kontinento. Ĝi havas 30 kilometrojn da plaĝoj plenaj per kokusarboj, sablo kaj verd-blua akvo. Ĵoan-Pesoo havas pli ol 500 mil loĝantojn.

Esperanto en Ĵoan-Pesoo[redakti | redakti fonton]

Certe estis Esperanto-movado antaŭ 1950-aj jaroj en Ĵoan-Pesoo, sed ne estas ekzataj informoj pri tio.

La 2-a Nordorienta Konvencio de Esperanto okazis en la urbo Ĵoan-Pesoo, de la 13-a ĝis la 15-a de Julio 1951. La celo de la konvencio estis celebri la 64-an Datrevenon de Esperanto kaj preparado de la 13-a Brazila Kongreso de Esperanto en Recife.

La 13-an de Julio okazis la prepara kunveno kaj la 14-an oni realigis vesperan promenadon tra la urbo. Nokte, solena kunsido en la teatro ‘’Santa Roza’’, sub la prezido de Luís Rodrigues de Souza, sekretario pri Edukado, kiel reprezentanto de la subŝtatestro D-ro José Américo de Almeida, kiu estis esperantisto kaj akceptis la konvencianojn en la Registara Palaco.

En 1991 okazis en tiu urbo la 1-a Seminario por Esperantistaj Aktivuloj, la 21-an kaj 22-an de Aprilo, okazita en la kadro de la 3-a Laborkunsido de Reprezentantoj de Esperanto-Asocioj de Nordoriento de Brazilo, organizita de Potigvara Esperanto-Asocio, de Natal.

En 1998, la estraro de Paraíba Esperanto-Asocio estis: Prezidanto, Roberto da Silva Ribeiro; Sekretario, Maria Hilarina Aires Nunes; kaj Kasisto, Jason Gonçalves de Lima.

Dezirante pli bone disvastigi Esperanton, Paraíba Esperanto-Asocio, laŭ interkonsento kun Brazila Esperanto-Ligo, decidis starigi bazan kurson per korespondado, komenciĝante per prelego ĉe la sidejo de “Associação dos Inativos e Pensionistas da Universidade Federal da Paraíba” (Asocio de la Emerituloj kaj Pensiuloj de la Federacia Universitato de Paraíba), okazinta la 7-an de Aŭgusto 1998.

La 26-an de Marto 1999 estis enpostenigita nova estraro de Paraíba Esperanto-Asocio, kies membroj estis la jenaj: Prezidanto, S-ino Hilarina Aires Nunes; Vicprezidanto, S-ro Carlos Belém; Sekretariino, Terezinha Oliveira; Kasisto, Jason Gonçalves de Lima. La solena kunsido okazis en la biblioteko “Virginia Gama Melo”, de la Kultura Fonduso Spaco “José Lins do Rêgo”. La oficiala organo de Paraíba Esperanto-Asocio titoliĝas “Paraiba Karavano”. En tiu jaro, okazis tie ankaŭ Laborkunsido de Esperanto-aktivuloj de Nordoriento.

Maria Hilarina Aires Nunes eldonas, ĉiuj du monatoj, bultenon de la Brazilaj Nordorientaj Asocioj, kunlabore de esperantistoj el Salvadoro, Muritibo, Arakaĵuo, Maceioo, Natalo, Fortalezo kaj Kampinagrando.

Referencoj[redakti | redakti fonton]

  1. Estimativas da população para o Brasil em 2008 (14 de aŭgusto 2009). Alirita 5 de septembro 2009.
  2. Ranking decrescente do IDH-M dos municípios do Brasil. Atlas do Desenvolvimento Humano (2000). Alirita 11 de oktobro 2008.
  3. 3,0 3,1 Produto Interno Bruto dos Municípios 2003-2006 (16 de decembro 2008). Alirita 26 de junio 2009.

Vidu ankaŭ[redakti | redakti fonton]