Johanna Zschepank
| Johanna Zschepank | |
|---|---|
| |
| Persona informo | |
| Naskiĝo | 19-an de decembro 1883 en Dresdeno |
| Morto | 15-an de novembro 1939 (55-jaraĝa) |
| Lingvoj | Esperanto |
| Ŝtataneco | Germana Regno |
| Okupo | |
| Okupo | esperantisto |
Johanna ZSCHEPANK (ĉepank) (naskiĝis la 19-an de decembro 1883 en Dresdeno; mortis la 15-an de novembro 1939) estis germana esperantistino, prezidanto de Esperantista Literatura Asocio kaj membro de la Lingva Komitato de 1927.
Zschepank esperantistiĝis en 1908, la jaro de la 4-a Universala Kongreso en Dresdeno. De 1911 ŝi kun kaj apud Marie Hankel laboris por la ĵus fondita Internacia Unuiĝo de Esperantistaj Verkistoj (IUEV), kiu de 1912 alinomiĝis Esperantista Literatura Asocio (EVA). Zschepank gvidis multajn kursojn. Kiam multaj viraj Esperantistoj devis militservi, ŝi estis redaktoro de la nacia organo „Germana Esperantisto“ dum kaj tuj post la unua mondmilito, nome de 1915 ĝis 1920. Ŝiaj artikoloj, poemoj ofte aperis en Esperanto-gazetoj. Komence de 1924 ŝi prenis sur sin la gvidadon de Esperantista Literatura Asocio kaj en 1924 fariĝis ĝia prezidantino.
