John McMahon (politikisto)

El Vikipedio, la libera enciklopedio
Saltu al: navigado, serĉo

Kolonelo Siro John McMAHON, 1-a Baroneto (n. ĉ. 1754 - m. la 12-an de septembro, 1817) estis irlande naskita brita politikisto kaj kortega funkciulo. Li estis soldato, kiu de 1802 ĝis 1812 elektiĝis por reprezenti la lokon Aldeburgh en la brita parlamento. De 1811 aŭ 1812 ĝis sia morto, li estis membro de la reĝa privata konsilantaro kaj Privata Sekretario de la Brita Reĝo. Dum la kariero li servis ankaŭ en diversaj aliaj postenoj, ekzemple kiel la dispagisto de pensioj al vidvinoj, kaj kiel konsilisto al la duko de Kornvalo. Nelonge antaŭ la morto, oni kreis por li baronetecon. Li ankaŭ rolas (malflate) en unu romano, Regency Buck de Georgette Heyer.